Popular Bible Verses from Juan 19

Share

Pagkasamit kato ni Jesus hay naghambae imaw, “Tapos eon gid ro ginapaobra kakon!” Pagkatapos hay dumungok imaw ag gintugyan sa Dyos ro anang espirito.

Pagkahambae karon ni Jesus hay hasayran eon nana nga tapos eon ro tanan nga ginpaobra kana ngani naghambae imaw, “Ginauhaw ako.” Ginhambae nana ron agod ro ginsueat sa Sagrado nga Kasueatan hay matuman.

Gintueok ni Jesus ro anang ina ag ro sumueunod nga ana gid nga palangga, nga idto nagatindog. Ginhambae na dayon ro anang ina, “Nang, duyon eon ro imong unga halin makaron.” Ginhambae man dayon nana ro sumueunod ngato, “Duyon eon ro imong ina.” Umpisa kato hay idto eon ginpaistar ku ratong sumueunod sa anang baeay ro ina ni Jesus ag ana ra nga gindipara.

Pagpaeapit nanda kay Jesus hay hakita nanda nga patay eon imaw, ngani owa lang nanda pagbalia ro anang mga siki. Pero may sangka soldado nga ana nga hinandos it bangkaw ro kilid ni Jesus ag insigida hay bumusawak ro dugo ag tubi.

Rato ro natabo kay Jesus agod matuman ro nasueat sa Sagrado nga Kasueatan nga “ Owa it bisan sambilog sa anang tue-an nga mabali. ” Ag natuman man ro sangka parti pa gid it Sagrado nga Kasueatan nga, “ Tueukon nanda ro andang ginbangkaw. ”

Gindaea dayon ku mga soldado si Jesus sa guwa it syudad. Ginpas-an nana ro anang krus paadto sa lugar nga ginatawag nga Lugar it Bungo. Ro ngaean ku lugar ngato sa linggwahe it mga Judio hay Golgota.

Ro mga soldado hay nagbuoe dayon it baeagon nga siiton ag gin-obra nanda rato nga korona, ag anda dayon rato nga gintungtung sa anang ueo. Ag anda man imaw nga ginbutangan it violet nga kapa.