Popular Bible Verses from Mga Binuhatan 1

Share

Pero ro inyo't-a nga dapat masayran hay makabaton kamo it gahom kon magkunsad eon kinyo ro Espirito Santo. Ag paagi sa anang gahom hay magapamatuod kamo parti kakon iya sa Jerusalem, sa tanan nga lugar iya sa probinsya it Judea, sa Samaria ag pati sa pinakamaeayo nga mga lugar sa kalibutan.”

Nagsabat si Jesus, “Ro Dyos Ama eang ro may otoridad nga magtaeana ku oras ag tyempo nga matabo ro anang mga ginplano eon. Owa it kinahangean nga masayran ninyo ron.

Isaeang adlaw, tag kaibahan nanda si Jesus, ginbilinan nana sanda, “Ayaw kamo it halin sa Jerusalem. Hueata anay ninyo ro ginpromisa kinyo it akon nga Ama nga akon man anay kato nga ginhambae kinyo. Nagbawtismo si Juan it tubi pero kamo't-a, sa indi magbuhay hay ro Espirito Santo't-a ro ibawtismo kinyo.”

Pagkapatay kana hay nabanhaw imaw ag nagpinakita imaw kanda sa sueod it 40 diyas ag sa sari-saring paagi hay ginpamatud-an nana nga buhi matuod imaw. Gintud-an man nana sanda parti sa paghari it Dyos sa anang mga sinakpan.

Pagkahambae kara ni Jesus hay nag-amat-amat imaw it kayab samtang nagatan-aw ro mga apostoles hasta nga ginsalipdan imaw it daeaura ag owa eon nanda imaw hikita.

Idto't-a ro andang panueok tanan sa eangit samtang nagakayab si Jesus ngani owa eagi nanda hapan-uhi ro daywang ka eaki nga nakasuksuk it puti nga nagatindog maeapit kanda. Hambae nanda, “Mga tagaGalilea, ham-an it nagatinangda pa't-a kamo dikaron? Si Jesus ngara nga ginbuoe kinyo ag nagkayab sa eangit hay mabalik man sa ulihi. Kon mauno ro inyong hakita nga anang paghalin hay makaruyon man ro anang pagbalik.”