Popular Bible Verses from Apocalipsis 9

Share

Pero li cristianoetic ti c'u yepal cuxul icomic ta scoj li vocol le'e, me jutuc muc sutes yo'ntonic. Muc scomtsanic o yich'el ta muc' li c'usitic pasbil ta sc'obique. Muc scomtsanic yich'el ta muc' li pucujetique xchi'uc li sloc'obal sdiosic pasbilic ta c'anal taq'uin, ta saquil taq'uin, ta cobre, ta ton, ta te', ti mu xilic osile, ti mu xa'yic c'ope, ti mu xanovique. Jech noxtoc muc scomtsanic li milvaneje, li ac'chamele, li mulivajele, xchi'uc li eleq'ue.

Te capal iloc' tal ta ch'ayil epal c'ulub; i'ac'bat yabtelic sventa chti'vanic jech chac c'u cha'al xti'van stsec. I'albatic mantal ti mu me soquesic li ts'i'laletique, li c'usitic lec yoxique, xchi'uc li te'etique. I'albatic ti ja' no'ox ac'o yuts'intaic li boch'otic mu'yuc yich'ojic smarcail Dios ta sti'baique.

C'alal la sjupan yoq'ues li yo'bal j'almantale, laj quil bajem tal ta banamil jbej c'anal. Ja' i'ac'bat sllavial li natil xabe.

I'albatic noxtoc ti mu me smilic o li cristianoetique. Ja' no'ox ac'o yuts'intaic vo'ob u. Li xc'uxul chti'vanique ja' jech xc'uxul jech chac c'u cha'al xti'van stsec.

Li c'ulubetique ja' ajvalil yu'unic li j'almantal to'ox ti sventainoj xabe. Ja' Abadón sbi ta hebreo c'op; Apolión sbi ta griego c'op.