Popular Bible Verses from Proverbios 12

Share

Li at-o'ntonale ta slajesbutic stsatsal co'ntontic; yan li lequil a'yeje ta xac' xcuxetel co'ntontic.

Li boch'o tsc'an lec chanubtasele yu'un tsc'an chbijub; yan li boch'o mu sc'an taq'uiele yu'un tsc'an te no'ox bol o.

Oy boch'o tojtoj tuch'el xa chc'ot yu'un ya'yel li c'usi chalique, pero li boch'o tuc' yo'ntonique xco'laj xchi'uc poxil li sc'opique.

Li boch'o bole tsnop ti toj lec scotol li c'usi tspas batele; yan li boch'o bije cha'ibe smelol ti c'alal chtojobtasate.

Li boch'o bole ta ora no'ox chac' ta ilel li sc'ac'al yo'ntone; yan li boch'o bije mu xac' ta sventa li c'usi chopol ch-albate.

Li baxbol antse ja' scoronail sjol smalal c'otem; yan li chopol antse ja' xchamel sbaquil smalal chc'ot.

Li boch'o puru epalc'op tspase toj chopol ch-ilat yu'un Muc'ul Dios; yan li boch'o melelic c'usi chale lec ch-ilat yu'un.

Li boch'o tuc' yo'ntone ja' lequil be chc'ot ta stojol li xchi'iltaque; yan li boch'o chopole ja' no'ox chch'ayvan batel ta be.

Li boch'o melel c'usi chale mu xlaj o sbatel osil; yan li boch'o mu meleluc c'usi chale jliquel no'ox chjelov.