Popular Bible Verses from Juan 6

Share

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

Li jch'uleltique ja' chac' cuxicutic. Li jbec'taltic li' ta banamile mu'yuc c'usi chac'. Li c'usi laj calboxuque ja' sventa ach'ulelic, ja' chac' cuxianic.

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

Itac'ov li Jesuse: —Li yabtel Dios tsc'an chapasique, ja' ti ac'o ach'unic li boch'o tacbil tal yu'une —xut.

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

Itac'ov li Simón Pedroe: —Cajval, ¿boch'o yan chbat jchi'incutic? Vo'ot no'ox chavalbuncutic li c'op sventa cuxlejal sbatel osile.

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

Mu'yuc boch'o xu' yu'un ta xtal ta jtojol me muc ic'biluc tal yu'un li Jtot ti la stacun tale. Yu'un li boch'otic ta xtal ta jtojole, ta jcha'cuxesan ta slajebal c'ac'al.

Li vaj yu'un Diose ja' li boch'o te liquem tal ta vinajele. Ja' tal yac'be xcuxlejal cristianoetic li' ta banamil —xut.

Vu'un li vaj sventa chacuxiic oe.

Li Jesuse la stsac li pane, la stojbe ta vocol Dios, la svoq'uilan, laj yac' ta puquel ta stojol li boch'otic te chotajtique. Ja' jech la spas noxtoc ta sventa li choye; laj yac'beic ti c'u yepal la sc'anique. C'alal inoj xch'ut scotolique, li Jesuse jech laj yalbe li yajchanc'optaque: —Tsobic lec scotol li scomelal pane xchi'uc li scomelal choye; mu me x'ixtolaj —xut.

C'alal oy xa van o'loluc xchibal reva ixanovic batel ta ba nabe, ja' to laj yilic te ta xanov tal ta yacan ta ba nab li Jesuse. Te inoch'aj tal yo' bu oy li canovae; ep ixi'ic. Jech i'albatic yu'un li Jesuse: —Mu xaxi'ic, ja' vu'un —x'utatic.