Popular Bible Verses from 2 Reyes 2

Share

C'alal jelovenic xa'ox batel ta jot uc'ume, li Eliase jech laj yalbe li Eliseoe: —Albun li c'usi chac'an ta jpasbote, yu'un yo'to mu'yuc ta jvoc' jbatic —xut. Itac'ov li Eliseoe: —Ta jc'an ti xjelov to jech yepal chquich'be stsatsal Dios jech chac c'u cha'al avich'oje —xi.

C'alal ja'o te chlo'ilajic batel ta bee, te laj yilic chanov jun careta xchi'uc ca'etic, tsanal chac c'u cha'al c'oc'; ja' ech' voc'aticuc yu'un. Jech li Eliase ta sutub ic' imuy batel ta vinajel.

Itac'ov li Eliase: —Toj tsots li c'usi chac'ane, pero me chavil ti c'alal chiloc' batel ta atojole, xu' chata li c'usi chac'ane. Pero me muc xavile, mu xata —xut.

Ja' la smaj o uc'um ta sc'u' li Elías te yich'oje, jech laj yal: “¿Bu oy li Muc'ul Dios yu'un Eliase?”, xi. C'alal la smaj li uc'ume, la svoc' sba ta jujujot, jech te ijelov o batel ta jot uc'um.

C'alal laj yil li Eliseoe, tsots i'avan: “¡Tati, Tati, vo'ot spojobbailot ono'ox li israeletique!”, xi. Li Eliseoe mu'yuc xa bu laj yil o yan velta li Eliase. Li Eliseoe la sli' sc'u'; cha'lic ibat yu'un.

Li Eliase la sloc' li sc'u'e; la sbal lec. Ja' la smaj o li uc'ume, jech la svoc' sba o. Ja' te ijelovic batel xchibalic ti bu taquin icome.

C'alal la sta yorail yu'un Muc'ul Dios chic' muyel ta vinajel ta sutub ic' li Eliase, li Elías xchi'uc Eliseoe iloq'uic batel ta Gilgal.