Popular Bible Verses from लूका 17

Share

फेरी यीशुऐं उसथै कैहया, “खड़ा हो अर चल्या जा, तेरे विश्वास्सैं चिकु सूल करया है।”

अगर एक्की दिना म वो सात बारी पाप करै, अर सात्‍तो बारी कैहै कि ‘हूँ मन फिरावता हैं,’ तो उसकु माफ कर।”

पर उनकै माहलैं एक्की जिद याह देख्या कि हूँ सूल होई गया हैं, तो वो पुठ्ठा आया अर ऊँचिया अवाज्जा थ परमेश्वरा कि बड़ाई करनै लाग्गी गया। अर वो सिर झुकाई यीशुआ के पाँवैं म पड़ी गया, अर यीशुआ का शुकर करनै लाग्गी गया। वो एक सामरी थिया।

“ध्यान राक्खो, कि अगर तेरा भाईय्या गलत काम करै, तो उसकु झिड़क, अर अगर वो मन फिरावै तो उसकु माफ कर।

यीशुऐं उसथै बुझ्झया, “क्या दस के दस सूल कोइन होये? तो फेरी बाक्की के नौ कड़ै हैं?

इसपर प्रभुएं कैहया, “अगर थारै म राईय्या के दाणे बराब्बर भी विश्वास होत्‍ता, तो थम सतुत्‍ता के दरखता थ कैहते कि ‘जड़ा थ निकळी जा, अर समुन्द्रा म जाई लाग।’ अर वो थारी मान्‍नी लेत्‍ता।”

जो कोइ खुदकी जान बचाणा चाहगड़ा वो उसकु गुआई दैगड़ा। पर जो कोइ जान गुआगड़ा वो उसकु बचाई लैग।

इसके बाद्दाम यीशुऐं आपके चेल्‍लैं थ कैहया, “उन बात्‍तैं का आणां तो पक्का है, जो पाप्पा का कारण हैं। पर हाय उस इन्सान्‍ना पर जिसकिया वजाह थ वो बात्‍तां आवतियाँ हैं। जो कोइ विश्वास्सा म कमज़ोरैं माहली किसी के पाप करनै का कारण बणता है, उसकै वास्तै तो या भला होत्‍ता है, कि उसके गळा म चकिया का पत्थर बाध्धी, उसकु समुन्द्रा म राळी दिया जावै।

जिदा नूहा के दिनै म होया थिया, इदा ही इन्सान्‍ना के बेट्टे के दिनै भी होग। जिस दिना ताइं नूह बेड़ीया म कोइ चढ़ा, लोक खात्‍ते-पित्‍ते थिये, अर उनमैं ब्याह-शादियाँ भी होतियाँ थियाँ। फेरी पाणिया कि बाड़ आई अर सारैं कु नास करी दिये।