Popular Bible Verses from మత్తయ్ 24

Share

కరాబ్ పనిక్, ఎక్వ ఎత్నా అద్నె పలితమాడ్ గుల్ మంది నత్తి ప్రేమ్ కమ్మి ఎర్సద్. గని ఆక్రిదూక్ ఎర్ ఇల్లుత్ అన్సారొ ఔరెతి బత్కిప్ తెంద్

పరలోక రాజ్యం బదోల్ సోయ్త గొట్టి మందిన్ సిమ్కన దెసెం సాక్సం ఇడ్డెకద్ ఎరద్. సదర్ దున్యంఙ్ విన్కవర్సద్. ఎద్ద వెన్కత్ అదా సిమ్కన వర్సా.

గని నీర్ లాడెయులున్ లాడెయున్ వాలడ్ విసతిర్. అద వాలడ్ వర్తలున్ విసతిర్. అపుడ్ అదికలెంఙ్ తోద్. ఇద సదర్ జర్గిలెక తిరెంఙ్‍పాజె గని అంతె జల్దిని వరె.

మందిన్ పొదె మంది, రాజ్యం మున్ పొదె రాజ్ కలెక సుల్సా. అత్తి అత్తీ కరువు బుకంప వర్స. పిల్ల పడ్సు జన్మిలెఙ కస్టెం వర్సదొ అనాయ్ మల్ల ఆక్రి దినాలుంఙ్ నాయ్ అనాయ్ కస్టెం వర్సాద్.

ఆబార్‍ బూమి డుబిలద్ గని అన్నె గొట్టిక్ ఎపుడి డుబిలె.

గుల్‍మంది అన్నె పేర్ రడ్ వత్న అని క్రీస్తునె ఇసా ఇడుత్ సిమ్కన మందిన్ పసిపతెర్.

అప్పుడ్ మన్కకెర్ ఇంమున్ తక్లిబ్ హింస ఇదరెఙ, అలుంఙ్ సార్. అన్నె పేరడ్ మంది సిమ్కన ఇమున్ విరోద్ కల్సార్. ఆ కలముత్ గుల్ మంది వెన్కవై సర్కిల్సార్, ఒక్కొనెత్ ఒక్కొంద్ విరోద్ కల్సార్ ఒక్కొనెత్ ఒక్కొంద్ దుస్మంల్లు తయార్ కల్సార్. పెర్రెత్ మంది నత్తి పైలి కబుర్లకెర్ వత్న గుల్ మందిన్ పసిప్సార్.

యేసుంద్ ఔరున్ ఇనంఙ్ ఇంతెంద్, ఎరి ఇమున్ పసిపెంఙ్ తోద్ ఇసా ఉసరాడ్ అండ్రు.

నీర్ పనొల్‍సెటా వేలలెఙి మన్కనె పోరక్ తల్లున్‍ వర్సద్ అదుంఙ్ ఎత్తి నిర్నాయ్ తయారెత్ అండ్రు.

అదుఙి ఏ దినమ్ ఇమ్మె ప్రబుంద్ వర్‍సందొ ఇముంఙ్ ఒర్కి తోద్ అదుంఙ్ ఎత్తి ఉసారడ్ అండ్ర.

ఆ దినమ్, ఆ వెల ఎప్పుడొ బానుంఙి మాత్రం ఒర్కి గని ఏ మన్కకుగి ఒర్కి తోద్. ఆక్రింఙ్ పరలోకంత దూతులుంఙ్ అని పోరకుఙ్ నాయ్ ఒర్కితోద్.

తానుంఙ్ ఇంతె పైలి క్రీస్తు, పైలి కబుర్లకెర్ వత్న, జమిల్తె దెయ్యమున్ నివ్డిప్తరున్ మొసం కలెంఙ్ సోయ్త కార్యి, గుల్ సిన్న ఓలిప్సార్.

నొవక్నె దినా ఎనంఙ్ అండెవొ మన్కనె పోరక్ వరెకా దినమ్‍నాయ్ అనాయ్ ఎర్సాద్. జల్నిండుత్ వరెంఙ్ పేలె నొవక్నె రూకుత్ సెరెకా దినముంఙ్ ఎంత్, మన్కకెర్ తిసా, ఉసా, పెండ్లి కల్‍సా, సియుత్ వెల్స అన్నెర్. జల్నిండుత్ ఔర్ సిమ్కన మందిన్ కొస్‍నంతెంఙ్ ఔరుంఙ్ కరిలెద్ అనాయ్ మన్కనె పోరక్ వారెకద్ ఎరాద్.