Popular Bible Verses from Jean 15

Share

Nga edi cep, na beni bodi mataki. Koncha wango edyale o cha nga, na nga dyale o cha wango, wango abote mbuka ikama; tonga mo nga twa, beni oyicha bokiele eyeka nyò yò ka.

Bodyala o cha nga, mòchi nà nga dyale o cha beni, Ko itaki idi oyicha bobote mbuka dyango koncha ka bona, tonga n’ibotiza dyango mbuka edi kokomo dyango idyale tinge o cep, edi nà na beni elenge ko yango, mo beni boch’òdyala o cha nga ka, nà beni oyicha bobote mbuka ka.

Mo beni bodyale o cha nga, na mawò ma nga madyale o cha beni, owana beni boyiche boyonge beka bichò byango beni bodinge, na taphè beni byango.

Edi odyala beni bakoncha o echòlòki nga ka, ko edi nga koncha o echòlòki beni; na nga bichòchò bwe, beni tòkiè tonga n’iyèbota mbuka, mbuka dyango itenele, na kobona Chango a nga taphè beni beka bichò, byango beni boyonge o kombo a nga.

Elumba a moto nyò mò edi oleka elumba a koncha wango ebomize nchoto a wango tonga na baninga ba wango ka.

O mataki machò mango madi tinge o ma nga, na itaki dyango idi obota mbuka ka, wango takièna dyango ko itaki dyango ibote mbuka, wango takbalola michendu myango midi o dyango, tonga n’ibotiza dyango mbuka ileki bokama.

Ye kobo edi moyeko ma nga bwe, bodinganaka ko nga dingaki beni bona.

Tonga mo beni bobote mbuka ikama, owana Chango a nga tayamba botochibe, tonga n’iwo dyango, na kobona beni bodi ko bayekoli ba nga.

Nga edi cep a nènè, na Chango a nga edi koncha a kub’a (milange ma) cep.

Koncha wango edi odyala o ma nga ka, tabwaka wango o dindo ko itaki iwomaki bona; na takonginya mataki m’èlenge yena michò, na tatumba mango o meya.

Nga lobaki na beni mawò ma tonga mòchi bwe, moni ma nga tòdyala o cha beni, na kobona mòchi moni ma beni modyala mokokaki.

Mo beni bodi bobatele miyeko ma nga, owana bodyalaka o ch’èlumba a nga, ko nga batelaki miyeko ma Chango a nga, na nga dyale o ch’èlumba a wango bona.

Iwò dyango nga chilole na beni edi bwe, bodinganaka!

Mo beni bobèki bato ba che, ibè bato ba che badingaki beni, ko tonga kinòwa beni bodi odyala o ch’èlòngò a bato ba che ka, na nga bichòlò beni, na nga bilaki beni otete a bato ba che, echoko o bato ba che bayine beni yango.