Popular Bible Verses from Lukas 5

Share

Arat moʼgulontoluk e, at Yesus en Simon disogo moʼgulesi, “Hiane aʼbik wagup en e, henebe ik ede ʼburl ʼgelaʼge eria loluk sum egeik aʼge ai ʼbelakpei lit o,” oluk moʼgulentesimu

at Simon en e, “Nue! Hup hwedik ʼbelabogwi modok welege aʼge re, mesik modok wo erlak o. Aʼgeat de, hat en moʼgulnigenma en e, an en sum egeik ʼbelabigat o,” oluk asogo moʼgulotluk ʼbelakpegesa ʼgal e, hiane modok aʼbik ogola yagaragama onosum ano derlep u ʼgelaʼge aga.

Asogo tugukhweat de, at Yesus seʼban igoluk ebe aphwami erlakma o leimu eba lasu laga.

An wegi ai re, aphwami op togwi aʼge yoʼgo enebaigoluk wegi puk. Erlak o. We, aphwami wiak togwi aʼge ai ukpoluk enebabut heberlemagoluk, yoʼgo enebaigoluk wegi o,” oluk moʼgulentesi.

Asogo tigoluk tegeimu, at Simon ano Yesus ilem odogorlu pam huragarik e, “Nue e! An wiak taga legi aʼge yu re, yema uknoboluk lak o,” oluk moʼgulesi.

Asogo moʼgulentigisema, at Yesus en e, “Is aphwami agaikhen enebam op ou erlak aʼge, dokterlak en ou obabonobuagoluk yoʼgo onobo no? Erlak o. We, enebam ou oruak holugat, dokterlak yoʼgo onobo yo.

Asogo egeimu re, ik so ano ik iak pam pou wegesarik e, di aʼge yu aʼge ʼberlegat ukpoluk Yesus eʼberlik legesa.

Asogo legesarikmu en, agauwa mesik erlige re, Yesus o seli mesik lagarik oruakma, ap mesik yebil hwenaʼgo ʼgelaʼge onogorlok aʼge ebetne aʼbik agarik welat, at en Yesus il hesirik e, odogorlu pam hweriogo welat hau weriselat e, disogo moʼgulesi, “Yesus, nue! Hat en obapnebagun epegen holuk e, elirat obapnoboat o,” oluk moʼgulesi. Moʼgulesimu, at Yesus en ap ano eʼgik tenak pasulat e, “Obaphebaigoluk taga legi. Holuk e, op emen o,” oluk, moʼgulosokhwe erianoat, yebil hwenaʼgo ʼgelaʼge ano modok erlak aga.

Esaʼgo wusogo perakpesi aʼgeat de, Yesus en obaptegei aʼge ebano obok sagatil legesema, aphwami aʼbik hweligisarik, is di ou yu ou enebam oruak aʼge obabonobuagoluk e, Yesus eʼbek modok aʼbik odoktu aga legesa.