Popular Bible Verses from Yohanes 12

Share

Ye, at ap sa en an neragam aʼge welat, ede en e, An Yesus ebagerat taga leik o, oluk epasu holuk e, an weleikmu eba neʼbiregat modok wolomogoluk neʼberlik wagalom o. Ye, at ap sa en an nebaget tagalema aʼge ai, naik en at ebe hau doʼgoksogo worua o, oluk niak demat moʼgulhentegis o,” oluk moʼgulentesi.

Asogo moʼgulentesirik, wene mesik disogo moʼgulentesi, “At ap sa ede en e, An ʼgwiangma yema nebe nelaluk wolom nagai, oluk epasu holuk e, pobuk ebe elaluk modok wolom aʼge paget e, nal ema o. Aʼgeat de, at ap sa ede en e, ʼGwiangma yema nelaluk wolom e, nebit, oluk epasu holuk e, at ai pobuk nalom erlakma en elaluk modok welema o.

Ye, is aphwami en, gandum eʼgen owi ʼgwiangma yogo erlakma, aphwami waragai ai ʼgelaʼge, agap naduk aʼge muk otluk ʼget aʼge ʼbaktiso erlak holuk e, eʼgen mesigat owi yorogwi aʼge aiat welema o. Aʼgeat de, owi ai ʼgwiangma yorumu, aphwami waragai ʼgelaʼge, agap naduk aʼge ai muk otluk nak e, pobuk ʼget aʼge ʼbaktagalat eʼgen aʼbigat oso yo,” oluk moʼgulentesi.

Ye, is aphwami enede an nebam heʼberik pouwa aʼge ʼberlegat e, o hiktakma welemano oluk, o dakharak enebaiogoluk an nebe o dakharak enebasu aʼge ʼgwiangma yema ʼbu egi o.

An ʼgwiangma yema ʼbu egi ai re, aphwami wene enebam paiogoluk ʼbu egi puk. We, enebe delenebiogoluk ʼbu egi ai en e, at ap sa en an niak esaʼgo holholugat de, niak hologo tiso erlak holuk e, an enat wene ebam paik puk. Erlak o.

Asogo noʼgukhwe, at hwe Maria en aʼbosu onuk narwastu eʼben op aʼge oʼgo aʼbigat ʼbalogwi aʼge, setengah liter oʼgo ʼbil-ʼbal Yesus oyuk pam egelik pesirik e, at Maria uʼgwarek asu pam horegei. Asogo tegeimu, o ogola ebano eʼben sang-pang egei.

haʼbu ʼgelaʼge eʼgela ʼbalhegeik woluk e, Yesus ologotma amitmit supsogo liplau wagalat e, disogo egesa, “Nue wa! Nue wa! Nue wa!” oluk u ʼgelaʼge, “Hosana! Nenaik Allah ʼgain Onuk Logo aʼge en nis aphwami Israel aʼge nonue ʼgain perakhobou wagama wegen aʼge yu, at enat obaphobuak o,” oluk weni wetil wetil ʼgwigisa.

Asogo moʼgulesi legesema, at Yesus en e, disogo moʼgulentesi, “An abat daklau wegi ano, nebe erliknobua ano arat horok lau waga o.