Popular Bible Verses from Lukas 5

Share

Tòna ladu‑mo mupaturo:, Na pantuyu ti Simon teꞌ, “Bose pàli i kaladungna pang u uluꞌ‑ko se ti pukaꞌmu, na ala‑i ti urung.”

Na sùmui Simon moa teꞌ, “O Tuang, na ìsiꞌ hengi ki mingkamaꞌ karraꞌ hampoꞌ hari: aka ki ala. Hampoꞌ sàbaꞌ U mi pantuyu, baꞌ eloꞌna‑mo ki uluꞌ ho pole.” To na pukauꞌ‑mi se ti to, miala‑i se urung boso:, deaꞌ àla: maseu: ti pukaꞌna‑i se.

I laling mallayani tau boso:, Yesu mao lao musumbayang pai kaoneang ung tunini.

Hang bùruꞌ‑Kaꞌko mai manghàngo tau ung mangàna: kalaena tongang, sangadinna tau ung mangakui kalaena madosa, mangking mingkatobaꞌ‑i se.”

To na ita‑mo Simon Petrus ti to, mukalimuntuꞌ i heleꞌna Yesu pang musua: teꞌ, “Palii:‑kaꞌ Tuang! Sàbaꞌ ku tau ung madosa‑ko.”

Na sùmui Yesu moa teꞌ, “Handei:‑da tau ung matalete: ti ung mamparallui pumpakuli:, sangadinna tau ung mipanaꞌ‑da.

Na riuꞌna‑mi Simon pang sola:-solana ti lemmang to mao i kàdaꞌ, pang na palii:‑i se ti kamaꞌangna to, pang miluhali‑mo pasikolana Yesu.

Ara sangàlo, tòna one: i besa lipu: i Galilea ti Yesu, bùruꞌ ti besa muane ung pùno: balala. Tòna mangita‑mo Yesu, mukalimuntuꞌ tumunnuku i heleꞌNa mingkalemu teꞌ, “O Tuang, i mading‑i, papàda:‑kaꞌko, sàbaꞌ U makuasa‑do.” Yesu mangànaꞌ kangkangNa pang mantokaꞌ tau to* teꞌ, “Mading. Pàda:‑mo:!” Hùlingna teng‑mo ti sainna.

Hampoꞌ dea ti kareba mampatu: Yesu sa: na padumallaꞌ-mallaꞌna sule: mao pai iaka-aka, pang boso: tau ung bùruꞌ mampisàdìngi pang mangking nipumatalete:‑i se nai sainna.