Popular Bible Verses from Matius 10

Share

Wene ambi inim yugirigya dugwit, “Hit ndomba ovagak yi, it avakwa yangge do ovagak agarwikmu enadema lakbigigaliga o. Lakbigigamindikmu enanggelekma dugwit, mbas il anggeket okbaluk agarik hak, hit henovavut anderogo dugwit ogagwi, swa suwa ovavut sagain agarik hak, hit henovavut anderogo dugwit ogagwi, ogagu dogones.

Hit heneyave hinidi okhedasogom halok, heneyave yelemele-at yusogom. Eke, An ninis ombok arupwak yiluk, heneyave ididek okbetamwi halok, hinidi ogarek dogosogom o,” yiluk, yugeragagi.

It avakwa en heneyave andi hinitu dugwit, henendawi inim hinirusogombuk atma, heneyave adigat hinisagwi ako andi henalon enombarubuk. Ata, heneyave inim henendawi inim, hali abya wuluk-herek yagaligama degerogo lakbigigaup andok Ala akoat, henalon umbutu dogones.

Hit henagyo winik hedelok An ninim warup embetetek hiniselok andi, An ninim nagu dogop meyan.

“Hiren avakwa inivaga, ‘Yesus andi, Nenowa aro,’ yiluk, sigam erogo yugu hiniselok, An ogo Nasin mbogot vaga menda ivaga en, ‘It ap yi, An naori aro,’ yiluk, sigam erogo yisogon ovara, hiren avakwa inivaga, ‘Yesus andi, nit ninunggut,’ yugu hiniselok andi, An ogo Nasin mbogot vaga menda ivaga en ‘It avakwa yi An ninggurat,’ yisogon o,” yiluk yugeragagi.

It aup idup agarwik halok, sek okbugwis, hambuguselok, iniluk erogo mondok okbugwis, enagap vaga amu idup menda hunik agarwik halok sek okbugwis, madis enendawima werek halok nggigilogo wibugwis, ogarit nagu dogop. Hit onggodek unat hedagagup atma, onggodek unat oginivit nagu dogop.

Anderogo atma, swa maridugi wisane eneyave dambulogo At endawi hunik horogat agarik ovara, hit ako andi, At endawi hunik ombok erogo henombasiga atma, henalon umbutu dogobuk,” yiluk, yugeragagi.

Wene ambi inim yugirigya dugwit, “O wen vaga yoma avakwa enendawi ugun adenggen dambulik dogopwak yiluk, wagagis, nombarubuk. Anen dambup bisagiluk wagetek. Ata, ‘Ap asin inim, hwa isa inim, hwa agun isa inim, adik-adik okbugu neyalok,’ ndup ogarupwak yiluk, An wagagis o.