Popular Bible Verses from Markus 4

Share

Lauparia nematami Yesus nangkamaro ngolu pade balumba ee mai, iuli-Na, “Kalino pade karodomo!” Hampiniri mata nentuumi ngolu pade balumba ee, pade nanone mpuumi rano ee mai. Napu ee Yesus nangulikara ana guru-Na, “Napa pade naeka komi? Napa pade moma komi neparahaya?”

Nawali naeka purara pade nojarita hore hira, iulira, “Hemadi Tauna ei, hampena wungka ngolu pade rano nanturuhi parenta-Na?”

Tempo ee mai Yesus bula-Na naleta nampake luna i hoki duanga mali talikuana. Lauparia, ana-ana guru-Na nampalike-'I, iulira, “Guru, napa pade moma-Ko natepe? Mamatetamo ei!”

Napu ee iuli-Na mui Yesus iwei, “Pairara mpuu napa to iepemi! Pohuka to laipakemi nohuka, ee moto mui rapopohukaka komi pade moma wuwu ee, Natambaiki muipi Alatala.

Laipadola-Na mui Yesus nanguli, “Poparentaa Alatala ee mai mamala rarapaika ewa hadua tauna to nohawu hawua i tana. Bengina'i noturu, eona'i nemata, bo hawua ee mai notume pade natuwu duuna nalangko. Bewa katuwuna moma incanina tauna ee.

Hema to natalingaa, epe belo to iuli-Ku lauria.”