Popular Bible Verses from Lukas 8

Share

To nanawu i tana to narudu, nahibali hante tauna to nangepe lolita Alatala hante rara to nabelo, pade natigu peparahayara duura nampowuaka ingku to nabelo.”

To nanawu i lentongo dunumpu rui, nahibali hante tauna to nangepe lolita Alatala, naupawee kahaa-haea hira laiupi kamere rara, kahugia, pade kasanaa katuwua i dunia ei. Etu pade moma naria wuara to nataha.

To nanawu i tana to nawatua, nahibali hante tauna to nangepe lolita Alatala, laitarimara hante goe rarara. Naupawee momara nolari, pade peparahayara hangoni aga. Hangka naratapi pehori, nangkohuramo.

Napu ee iuli-Na Yesus hi ana-ana guru-Na, “Napa pade moma komi neparahaya hi Aku?” Naeka bo nahera purara ana guru-Na pade noneulika hore hira, “Hema kakonona tauna ei? Wungka ngolu pade ue nanturuhi-'I.”

To nanawu i wiwi dala, nahibali hante tauna to nangepe lolita Alatala, naupawee Magau Heta narata nangala lolita ee lako pekirira bona nemora meparahaya pade rapakahalama.

Moma naria to laitabuhini to moma rahungke, pade moma naria to laipopalerui to moma rakewoka tauna.

Hangka laincanina bangkele ee ane momami mamala napopalerui napa to ibabeina, naratami hante nokaridi notingkodu i tingoo Yesus. Laituturanami hi Yesus i tingoo todea ee mai napa pade laituina wuntu waru Yesus, pade podamana wuntu waru Yesus ngkali naurimi hakina. Lauparia Yesus nangulika bangkele ee, “Ana-Ku, iko nauri habana neparahayako hi Aku. Panculimoko hante goe raramu.”

Alaana ana-ana guru-Na rau nampalike-'I, iulira, “Guru! Guru! Mamatetamo!” Nematami Yesus nangkamaro ngolu pade balumba ee. Hangoo-ngoni ngolu pade balumba ee nentuu.