Popular Bible Verses from Yohanes 3

Share

Habana nabohe mpuu towe Alatala hi manuhia i dunia ei, hampena laipopewai-Na Ana hadudua-Na, bona butu tauna to meparahaya hi Ana-Na ee mai moma mamate duu kahae-haena, naupawee mamparata katuwua to moma maria kahuduana.

Apa patuju Alatala nampahuro Ana-Na narata i dunia moma tumai mampahuku manuhia, naupawee tumai-'I mampakahalama manuhia.

Nehono Yesus, “Mpuu-mpuu Ku'ulikako, moma hema mamala mawali todea i rara poparentaa Alatala ane moma'i raote nculi.”

Hema to meparahaya hi Ana Alatala ee mai, moma'i rahuku. Naupawee hema to moma meparahaya, tauna ee mai laihuku Alatalami, apa moma'i neparahaya hi Ana hadudua Alatala.

Alatala kana mampahuku manuhia, apa naratami baa i rara dunia, naupawee laipokonorapi manuhia kalimauana lako kabaana, habana ingkura nadaa.

Hia kana mantambai dola pobunu-Na, bo aku kakuu-kuraa pobunuku.

Apa hema-hema to nadaa ingkuna, laipodaana to nabaa. Moma'i nadota narata i baa ee mai, bona ingku-ingkuna to nadaa ee mai moma'i rahilo.

Hema to neparahaya hi Ana-Na ee mai, hia mantarima katuwua to moma maria kahuduana. Naupawee hema to moma neturuhi hi Ana-Na, moma'i mantarima katuwua to moma maria kahuduana, hodo Alatala aga to maria oa hi hia.”

Pade nahibali hante Musa nobabei ule lako tambaga i tongo mpada to nabai, laiparikana i kau pade laiorena pakalangkona, wee moto mui Ana Manuhia kana raore rapakalangko

Tuamata Alatala nampotowe Ana-Na, pade laiwaika-Na Ana-Na baraka moparenta hangu hangaa.