Popular Bible Verses from Tutura Rasul 4

Share

Pade kahalamaa moma naria hi hema-hema. Kahalamaa ee naria hi Yesus aga, habana i une langi ei mai, moma naria to ntanina to laiwaika Alatala baraka mampakahalama manuhia.”

Napurapa nohambaya, nolengkami hou kahiromuara ee mai, pade humaweera naponu Inoha to Nagaha. Lauparia nabiaramo nangkarebai lolita Alatala.

Welau ei Pue, hilo bewara nampararai kami. Waika kami batua-Mu ei, kabiaa mampotolele lolita-Mu.

Yesus eemile watu to laiuli rara Buku to Nagaha iwei, ‘Watu to laitadira tuka hou, watu ee laumi to nawali koro watu pondasi.’ Komimi tuka ee mai.

Naherara to nolibu ee mai nampahilo kabiara Petrus pade Yohanes, apa laincanira ane hira ee mai todea biaha motora to moma nohikola. Laincanira ane Petrus pade Yohanes ee mai to naharo nampodohe Yesus.

Humawee tauna to neparahaya ee mai, natuwu nohangu rara pade nohangu pekiri. Moma naria haduaa to nanguli ane napa to ikamina wuwu hia tumpuna, naupawee humawee to naria hi hia, hira pura tumpuna.