Popular Bible Verses from मरकुस 14

Share

और फिर ईसू नें कही, “पिता! हे मेरे पिता! तू सब कछु कर सकतें। जा दुख भरे प्याले कूं मेरे आगे ते हटा लै। पर फिरऊ मेरी नांय तेरी इच्छा पूरी हो।”

जागते रहो और पिराथना करते रहो के तुम काऊ परीछा में नांय परौ। आतमा तौ तईयार है पर सरीर कमजोर है।”

मैं तुमते सच कैहतूं, ‘सारे संसार में झां कऊँ सुभ समाचार पिरचार करौ जाबेगौ मांपै जा औरत कूं याद करके जाके जा काम की चर्चा करी जाबैगी।’”

ईसू नें बिनते कही, मेरौ मन भौत दुःखी है, जैसे कै मैं मरबे बारो हूं, तुम यहीं रुकौ और जागते रहो।

जब बे खानों खाई रये हते, “तो ईसू नें रोटी लयी और परमेस्‍वर कौ धन्यबाद करिकें तोरी, और बिनें दयी और कहि लेउ जि मेरी देह है।”

फिर बानें प्याला लयो और परमेस्‍वर कौ धन्यबाद करिके बिनें दियो और बिन सबन्‍ने पीयौ। और ईसू नें बिनते कही, “जि मेरौ बू खून है जो परमेस्‍वर की नई बाचा को सबूत है। जो भौतन के पापन की मांफी काजै बहायौ जावते।”

तब ईसू नें अपने चेलान ते कही, “तुम सब को भरोसौ डगमगा जाबेगौ, चौंकि लिखौ है, “‘के मैं चरबाहे कूं मारूंगो, और भेड़ तितर-बितर है जायेंगी।’

खड़े हे जाऔ, आऔ चलौ देखौ, मेरे संग बिसबास घात करिबे बारो पकरबाबे बारौ आय रयो है।”

ईसू नें पतरस ते कही, “मैं तोते सच कहूँ के तू आज रात कूं मुरगा के दो बार बांग देबे ते पैहले तू तीन बार मोय पहचानवे ते इनकार करैगौ।”