Popular Bible Verses from लूका 9

Share

ईसू नें बिनते कही कै, “जो मेरे पीछे आयबो चाहबै बू खुद की इच्‍छा ते जीबौ छोड़ दैवे और मेरे पीछे चलवे काजै जा हद तक दुख उठावें कूं तईयार होबै कै अपने मरबे कीअऊ चिन्‍ता नांय करै। फिर मेरे पिछै आनों है।

चौंकि जो कोई धरती पै अपनों जीबन बचाबौ चांहैगौ, बू सुरग में अपने जीबन कूं खोबैगौ जो कोई धरती पै मेरे काजै अपने जीबनए दैबैगौ, बू सुरग में जीबन पाबेगौ।

ईसू नें बाते कही, “हल की मूठ पकड़बे के बाद जो मुड़कर पीछे देखत रैहतै, बू परमेस्‍वर के राज की सेबा करबे के लायक नांय।”

बा आदमी कूं जाते का फायदा कै बू संसार के सबरे सुख पाय लैबे और अपने सुरग के जीबन कूं खो दैबै?

जब कोई आदमी मोय और मेरे वचन कूं अपनांयबे में सरम करै तौ मैं, ‘मनुस्‍य कौ बेटा’ जब अपने परम पिता और पबित्र सुरग दूतन के संग महिमा में आऊंगौ तब मैऊं बाए अपनांयबे ते लजाऊंगो।

ईसू नें बाते कही, “लोमड़िन की तौ भाट और आकास में उड़िबे बारे चिड़ियन केऊ घोंसला होतै, पर मुझ, ‘मनुस्‍य के बेटा’ के काजै सिर ढकबे काजै कोई जगैह नांय।”

और बिनते केहबे लगौ, “कोई मेरे नाम ते जा छौटे बालक कूं अपनातै बू मोए अपनातै और मेरे भेजबे बारे परमेस्‍वर कूंअऊं अपनाबतै, जामारै तुम में जो सब में छोटौऐ बेई बड़ौऐ।”