Popular Bible Verses from लूका 12

Share

तुम लोगऊ तैयार रहौ, चौंकि जा समै की तुम सोचतऊ नाऔ बाई घड़ी मैं, ‘मनुस्‍य कौ बेटा’ आ जाऊंगौ।”

पर तुम परमेस्‍वर के राज की खोज में रहो, तौ जि सबरी चीजें तुमें खुद ही मिल जाबेगीं।

और ईसू नें बिनते कही, “चौकस रहो और हरेक तरैह के लोभ ते अपने आप कूं बचाय के रखो। चौंकि जीबन में धन दौलतई सब कछू नांय होबै।”

चौंकि जहां तुमारो धन है, मांपै तुमारो मनऊं लगौ रैहबेगौ।

तुम मेंते य्हांपै ऐसौ कौए जो चिन्‍ता करकै अपनी उमर में एकऊ पल बढ़ाय सकै?

फिर ईसू मसीह नें अपने चेलान ते कही, “कै मैं तुमते जामारै कैहतूं कै, तुम अपने जीबन की चिन्‍ता मत करौ कै हम का खाबिंगे, का पिबिंगे और न अपने सरीर की, कै हम का पैहनिंगे।

तुमारी चांद के सबरे बारऊ गिने भये हैं,जामारै तुम मत डरपौ चौंकि तुमतौ गौरईयन ते भौत बढ़केऔ।

“हे छोटे झुन्‍ड, मत डर, चौंकि तुमारे पिता कूं जि अच्‍छौ लगौ है, कै तुमें राज दे।

कऊअन पै ध्‍यान देओ कै बे ना तौ बोतैं और न काटतैं और ना बिनकौ कोई भन्‍डार होत, तौऊं परमेस्‍वर बिनें दानों देतै। तुमारी कीमत तौ बिन पंछीन तेऊ भौत जादाए।

और तुम जा बात की चिन्‍ता मत करौ,कै हम का खाबिंगे? का पीबिंगे और सन्देह मत करो।

जामारै यदि परमेस्‍वर जंगली फूलन कूं जो आज हैं और कल भार में झौंके जाबेगें बिनें अच्‍छी तरैह ते कपड़ा पैहरावतै, तौ हे कम भरोसौ करबे बारेऔ,तौ फिर बू तुमारी देखभाल चौं नांय करैगौ?

कछू ढकौ नांय, जो खोलो नांय जाबैगौ और न कछू छिपौ भयौए, जो उजागर नांय करौ जाबेगौ।