Popular Bible Verses from यूहन्‍ना 10

Share

चोर केवल चोरी, हत्‍या और बिनांस के काजेई आबतै। पर मैं जामारै आयौऊं कै लोग जीबन पामें और भरपूर जीबन पा सकें।

“अच्‍छौ चरबाहा मैऊं, अच्‍छौ चरबाहा अपनी भेड़न काजै अपनों पिरान देतै।

मेरी भेड़ मेरी अबाज कूं जान्‍तै, मैं उनैं जान्‍तू और बे मेरे पीछै पीछै चलतै।

मैं उनैं कबऊ नांय खतम हैबे बारौ जीबन देतूं, बिनकौ कबऊ नांस नांय होगौ। और नां कोई मेरे हात ते बिनें छीन पाबैगौ।

मैं द्वार हूं, अगर जो कोई मोमें हेकें घुसेगौ तौ वाकी रछा होबेगी। बू भीतर बाहर आबैगौ जाबैगौ और बाय चारौ मिलैगौ।

“मैं अच्‍छौ चरायबे बारौऊ मैं अपनी भेड़न कूं जानतूं और मेरी भेड़ मोय जानतीऐं

बिनें मेरे हात में दैबे बारौ पिता सबते महान है। कोई बिनें मेरे पिता के हातन में ते नांय छीन सकत। मैं और मेरौ पिता एकईऐ।”

जैसे परम पिता मोय जान्‍तै और पिता कूं मैं जान्‍तूं और मैं भेड़न काजै अपने पिरान देतूं।

मेरौ पिरान मोते कोई छीन नांय सकत पर मैं अपनों पिरान खुदई दै रयौऊं। मोय अपनों पिरान दैबे कौऊ अधिकारै और बाय फिर ते लैबे कौऊ अधिकारै। जि आग्‍या मोय अपने परमेस्‍वर पिता ते मिली है।”

जापै फिर ईसू नें बिनते कही, “मैं तुमें सच बताबतूं, भेड़न के काजै द्वार मैंऊ।

पर जो किराये कौ मजदूर होतै बू चरबाहौ नांय होत और वाकी अपनी भेड़ नांय होतीं। जामारै जब भेड़िआ आबैगौ तौ बू भेड़न कूं छोड़कै भाग जातै। तब भेड़िया झुंड पै हमला करकें उनकूं तितर कर देतै।

ईसू नें फिर कही, “कै मैं तुमते सही सच कैह रयौऊं,भेड़न के बाड़े में दरबज्‍जे की बजाय दीबार ते कूंदकै आयबे बारौ या तौ चोर है या फिर लुटेरौए।