Popular Bible Verses from Mak 13

Share

Yohmikma ʋno pulla hatuk mak o̱ hatak moma kʋt hʋchi̱ nukkilla hi oke: yohmi kia kʋna hosh aia̱hlit ma̱ha̱yʋt ai ʋhli ka ona hok mak osh, mihi yosh okcha̱ya hi oke.

Ahah! aiahnit o̱kchʋt ʋba pit hʋsh anumpohonlashke: mitak ont ai ʋlhpesa hi a̱ hʋsh ithana keyu hoka.

Amba okla hʋch ishit, iʋt okla ibbak a̱ hʋchi fohkikma, nana hʋsh anumpula hi ʋt tikbanli hʋch ik anukfillokmʋt, anonti tikbanli anukfillit ik hʋchim ʋlhtaho kashke: amba hʋshi kanʋlli yʋmma fehna ka nana ho̱ hʋchi nukfohkikma, yʋmmak o̱ hʋsh anumpulashke: hʋchishno ak osh hʋsh anumpula hi o̱ keyu, amba Shilombish Holitopa yak a hi oke.

Ʋba shutik, micha yakni aiena kʋto ont ai iksho ka he, amba ʋm anumpa puta hatuk ʋto ont ai iksho ka he keyushke.

Yohmi kia nitak yʋmmak a he, micha hʋshi kanʋlli isht ʋlhpisa yʋmmak a he aiena hokʋno, hatak nana hosh pit ithana keyu, enchil ʋhleha ʋba aiasha, mikmʋt Ushi aiena kak kia pit ik ithano, amba I̱ki ak bano hoke.

Yohmikma tʋnʋp a̱sha, micha tʋnʋp a̱sha he annoa puta aiena ka hʋsh haklokmʋt, ik hʋchi komunto kashke: ilʋppa puta kʋt moyumʋt ont a yʋmohmi pulla hi oke; yohmi kia ont ai‐ʋhli kʋto ik ai ono ki̱sha hoke.

Yohmi hoka ahah! ahnit hʋchi o̱kchashke: chuka chʋfa pehlichi ʋt opiakmá, keyukmʋt ninak iklʋnna hokmá, aka̱ka ohonla kak okmá, keyukmʋt, onnahinli kak okmá nana ho̱ ʋla hi a̱ hʋsh ithana keyu hokʋt. Yʋmmak keyukma ashali̱ka ʋla cha, nusi hosh hʋsh ma̱ya na ant hʋchi pesa hinla hoke. Yohmi hoka nana ho̱ hʋchim achi li kʋt moma kak o̱ Ahah! ahnit hʋchi o̱kchashke, im achi li hoke, achi tok oke.

Okla achʋfa kʋt okla makinli ka it amokʋfa he, mikmʋt apehlichika achʋfa kʋt apehlichika mak inli ka it amokʋfa hi oka; yohmikma yakni ilaiyuka ka yakni ʋt a winakʋcha he: mikma hohchʋfo, micha okla ik it im ai achukmo aiena kʋt takala hi oke: yakohmi kak osh nanukha̱klo ai ishtia ʋmmona mak oke.

Yohmikma ʋbanumpa hak osh ti̱kba oklushi moma ka isht ai im anuhumpa pulla hi oke.

Sa hohchifo isht hohchifo kʋt itʋnowa cha, Klaist sia mak oke, achi kʋt laua he, micha lauachit yoshublicha hi oke.

Yohmi kia ahah! hʋsh il aiahnashke; okla hʋch ishit nan apesa ʋhleha ibbak a̱ hʋchi fohka he: mikma sinakak anu̱kaka ma a hʋchi a boho̱wa he: micha atokowa hʋsh im anola chi̱ ka, ʋno pulla hatuk mak o̱ na pehlichi ʋhleha, micha mi̱ko puta aiena itikba ya̱ hʋch ishit oho̱na hi oke.

Klaist ilahobi ʋhleha, micha hopaii ilahobi ʋhleha aiena tobʋt hiohli kʋt nan isht atokowa puta, micha nafehna puta aiena ka otʋnihinchit, yohma he yobakma, nan‐ʋlhtoka ʋhleha nana kia yoshublicha hi oke.

Amba na‐palʋmmi yʋmmak atuk a̱ misha foka nitak okʋno, hʋshi ʋt okhlilikma, anonti hʋshi ninak a̱ya mʋt ik tommo ka he. Mikma ʋba fochik puta kʋt aka fohopakma, ʋba shutik nana aiasha puta kʋt winakʋcha hi oke.