Popular Bible Verses from Luk 8

Share

Amba yakni achukma yo̱ ai o̱ kaha kʋto, yʋmmʋt chu̱kʋsh achukma aia̱hli mak osh anumpa ha̱ haklokmʋt, ieshit achunanchi cha, ʋnit waya kak oke.

Mikma kʋti foka yo̱ a kaha kʋto, anumpa ha̱ haklo tuk kia, yakni pakna ahantʋt nan‐isht a kaniohmi puta, mikmʋt nan in laua bʋnna, micha na‐washoha puta isht a nukfoyuka kak osh ai im olʋbbi na ʋnit a̱hlit ik wayo kak oke.

Tʋli yo̱ ai o̱ kaha kʋto, anumpa ha̱ haklokmʋt, na yukpa hosh ahninchi kak oke; yakohmi kak osh hakshish ʋt iksho; yohmi hosh chekosi takla hokʋno yimmi tuk osh, nana kʋt ont a palʋmmikma, mokohli hoke.

Mihma yʋmmak ash ot, Na hʋchi yimmika mʋto? im achi tok. Mihma okla nukshopa hatuk okʋt, nukhlakanchʋt, Ilʋppʋt hatak katiohmi mak oh cho? ilʋppʋt mahli, oka aiena kak kia nan i̱ miha ma, im antiʋshke, it im achit ma̱ya tok.

Hina lapalika kaha kʋt, anumpa ha̱ haklo kak oke: yohmi ma Setan ʋt a̱yʋt, okla yimmit ik okcha̱yo ka chi̱ ka, anumpa ha̱ chu̱kʋsh ash a kohchit im ishi chatuk oke.

Na luma nana hatuk osh ik otaiyano ka hi ʋt iiksho: mikma nana hosh luma tuk ak o̱ ik akostinincho ki̱, ik otano ka he mʋt iksho hoke.

Yohmi ma ohoyo hash ot ilapʋt luma keyu kʋt akostininchi mʋt, wʋnihinchit ona mʋt, itikba ya̱ aka ont hlipia cha, nana kaniohmi ho̱ yʋmmak oka potoli tuk, micha kaniohmit ashali̱ka hlakofi tuk aiena kʋt okla moma itikba ya̱ ai im anoli tok. Mihma yʋmmak ash ot, Sʋsotek ma! na chi yukpa achukmashke; na chi yimmika yak osh chi hlakofichi hoka, na‐yukpa bieka anukfoyuka hosh ish a̱yashke, im achi tok.

Yohmi cha okla onʋt yʋmmak ash okchʋli mʋt, Pithʋnanchi ma! Pithʋnanchi ma! pilli mak oke, achi tok. Mihma yʋmmak ash ot tani cha, mahli micha oka poakʋchi aiena kash im alʋmmi tok: mihma yʋmmak ash ot yokopa na chulusʋt talaia tok.