Popular Bible Verses from Luk 19

Share

Hatak Ushi ʋt okpulot taha tok mak o̱ hoyot okchalincha chi̱ hosh a̱ya tok oka, achi tok.

Chitokaka i̱ hohchifo ho̱ a̱ya kʋt mi̱ko yʋmmʋt holitopʋshke; ʋba ya̱ nanaiya achukmakma, achaha moma i̱ shahli ma Chihowa ʋt ik a holitopá, achi tok.

Mihma Chisʋs ash ot, Ilʋppak kia Eblaham ushi akinli hatuk oka, himak nitak a̱ ai‐okcha̱ya yʋt chuka ilʋppa ʋlʋshke.

Atuk o̱ Chisʋs ash ot yʋmmak ash o̱ ʋla mʋt, pit ʋba chakalit yʋmmak ash o̱ pisa cha, Sakeʋs ma! tu̱shpʋt akowá; himak nitak a̱ chin chuka ya̱ anta la chi̱ hatuk oke, im achi tok. Mihma yʋmmak ash ot tu̱shpʋt akowa cha, na yukpa fehna hosh yʋmmak ash o̱ ilauelit ilap in chuka isht chukowa tok.

Mihma Sakeʋs ash osh hikia cha, Chitokaka yash, Inta! Chitokaka ma! ʋm ilayak a̱ iklʋnnachit ilbʋsha ya̱ im issa lishke; yohmi kʋt hatak nana kia nanasi ka anumpa isht a holabi hosh im ishi li tuk okmʋt, yummak atuk a̱ ohmi ushta ho̱ i̱ falamichi lashke, im achi tok.

Mihma Falisi ʋt okla laua takla a̱sht a̱ya tuk ʋt kani mi kʋt, Nan ithʋnanchi ma! na chim ai ithʋna ʋhleha ha̱ im alʋmmí, im achi tok. Mihma yʋmmak ash ot afalaminchi mʋt, Yakohmi kʋt ont yokopa hokma, tʋli puta kʋt chekosi fehna tahpʋlʋt anumpula hinla hoka, hʋch im anoli lishke, im achi tok.