Popular Bible Verses from Apostel isht Anumpa 2

Share

Yʋmohmi ma Pita yashot, Hʋsh moma kʋt ile kostininchit, nan ai ashʋchika puta isht kashofa chi̱ ka, Chisʋs Klaist hohchifo ha̱, im a hʋchi baptismashke; yohmikmʋt Shilombish Holitopa holhpila ka hʋsh isha he mak oke.

Yʋmohmi cha ʋbanumpeshi ʋhleha im anumpa hash, micha iti̱ hullo aiena, micha pʋska boshullichi, mikmʋt ʋba pit anumpuli aiena kʋt kʋllo fenhʋt aha̱shwa tok.

Yʋmohmi ma, isunlʋsh chuhlahli kʋt luak o̱ chiyuhmi hosh ant i̱ haiaka, micha achʋfaiyuka ant onʋtoyula tok; yʋmohmi na, moyumʋt Shilombish Holitopa yʋt isht anukfohkʋt alota ma, anumpa inla puta anumpula hi a̱, Shilombish ʋt apelahanchi na, okla anumpulit ishtia tok oke.

Yʋmohmi ma ashali̱ka mahli kʋllo chinto chiyuhmit, ʋba ya̱ fopa hosh mintit ʋla cha, aboha anu̱ka okla aiasha tuk ash ant alotolit kaiyanchi tok oke. Yʋmohmi ma, isunlʋsh chuhlahli kʋt luak o̱ chiyuhmi hosh ant i̱ haiaka, micha achʋfaiyuka ant onʋtoyula tok; yʋmohmi na, moyumʋt Shilombish Holitopa yʋt isht anukfohkʋt alota ma, anumpa inla puta anumpula hi a̱, Shilombish ʋt apelahanchi na, okla anumpulit ishtia tok oke.

Micha im anukfila mʋt ai achʋfʋt, Tempel anu̱kaka ya̱, nitak moma ai aha̱shwa, micha chuka taloha puta ma, pʋska a boshullichit itʋnowa aiena mʋt, chu̱kʋsh ai a̱hlit na yukpʋt im ilhpak ma ʋpʋt aiashʋt, Chihowa ya̱ ai okpahanchi ma, okla moyuma kʋt ahniechi tok. Yʋmohmi ma okcha̱ya he puta kano, Chitokaka yʋt nitak moyuma ka ʋbanumpuli iksa ya̱ isht ibakahanli tok oke.

Nitak himmaka pilakma yakohma hi oke: Nipi puyuta ka ʋmi shilombish ma ai isht o̱ fohohompli la hi oke: yohmikma hʋch iso nakni ʋhleha, micha hʋch iso tek puta kash ot ʋba anumpa isht anumpulikma, anonti hatak hʋchi̱ himithoa puta kash ot nan isht ahoba pihi̱sa he; yohmikma hatak hʋchi̱ sipokni puta kʋt holhpokunna ma holhpokohu̱na hi oke.

Yʋmohmi ma na yimmi tuk ʋhleha hʋt momʋt ai it achʋfa mʋt, anonti nana puta ka ai i̱ moma hosh ai asha tok. Micha im osapa puta, ʋlhpoyak aiena kash okla kampela cha, hatak mominchit hatak ʋt nana ho̱ bʋnna hatuk aiyuka ka, i̱ hopela tok.

Micha yakohma hi oke, Kʋna kia Chitokaka hohchifo ha̱ pit hochihi̱fokmʋt okcha̱ya he mak oke; Chihowa yʋt ahanchishke: ahanchi tok mak oke.

Chitokaka i̱ nitak chinto holitopa kʋt ik lo ki̱sha ho̱, hʋshi ash ot okhlili ho̱ tobakma, hʋshi ninak a̱ya ash ot issish toba hi oke.