Popular Bible Verses from लुका 12

Share

खेक्‍याः डाढीक झ्‍येरी धो़क घीझ्‍येरी ॱनाना खेक्‍याई ॱमासाम्‍गीन धी़चो़ला मी-भु फेप्‍कीलाक।”

हीना को़न्‍क्षोकगी ग्‍यासी चो धेनी देक्‍या घीरी खेक्‍याला ॱनाङगीलाक।”

खोङबागी होदेक्‍याला सुवालाक, “शाप-शाप झ्‍यी, ॱहाबा झ्‍यीगीन लेगाक्‍याने च्‍याङजे झ्‍येरी धो़क, घीझ्‍येरी ॱनाना मीगी मीछे खोरी ग्‍यु माङा हो़गीनला च्‍यीगा रा मीली़लालक।”

घीझ्‍येरी ॱनाना खेरी ग्‍यु घारु हो़जारु, खेरी सेमगोवाः क्षाक्‍कीलाक।”

खेक्‍याने सी़ दुङा झ्‍येरी राङगी छेगी खाला, क्षुजी च्‍यीक ॱनो़न्‍गा ग्‍याप थुप्‍कीलाक से?

धेनी येशुगी राङगी ङेनेक्‍याला सुवालाक, “होझ्‍येरी ङा खेक्‍याला ॱनाहीन, ख्‍यो़री ॱरोकगी क्षीला घी शाये धाङ ख्‍यी़ ली़गी क्षीला घी घो़न्‍ये ॱनेरी दुङा माझ्‍यी।

धेनी खीकी गोवी ॱराक्‍या रे-रे, ढाङगा ची हो़तालाक। होझ्‍येरी खेक्‍या माजीक। खेक्‍या नी ॱमीच्‍यीकी माङा खाङ झीउक्‍याने, खाक्‍क्षे लाक।

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

खोरोकक्‍याला तो़दाङ। देक्‍या श्‍यीङ ताप्‍ये याङना ॱङाये मीझ्‍यीदालाक। धेनी डुखाङ धाङ भाङखाङला मेश्‍यालाक हीना को़न्‍क्षोकगी देक्‍याला शाये ॱनाङालाक। धा खेक्‍या झ्‍याक्‍याने ल्‍हाक ॱमीच्‍यीकी खाक्‍क्षे लाक।

घी शाये याङना घी थुङये ॱनेरी, खेक्‍या चारी माधेक धेनी दुङा माझ्‍यी।

ख्‍ये धेपा च्‍युङा हो़गीनक्‍याओ, धीरीङ दुरु हो़गीन हीना ॱङेटो मेला चुक्‍ये हीन्‍गीन थाङगी चाक्‍याला, को़न्‍क्षोकगी घो़ को़न जेना होदेक्‍याने ल्‍हाक खेक्‍याला को़न्‍दा जेगीमाले?

ॱङो़न्‍दु मीग्‍युरकीन घीया माबे हो़तालाक धेनी स्‍येये हीन्‍गीन घीया सारी माश्‍या हो़तालाक।