Popular Bible Verses from लुका 10

Share

ङी खेक्‍याला डु धाङ धीक्‍पा राचाकक्‍याला काङबी ॱलेये धाङ डागी वाङ घीरीगी, खाला आङजा तेरहो़क धेनी घीन्‍गीया खेक्‍याला ॱनो़ क्‍यागीमालाक।

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी। हीना घो़गीनगो च्‍यीक च्‍यीगा लाक। मीरीयामगी लेगा शाङागो दाम दुक धेनी होदे मोने ठोक्‍की मालाक।”

धेनी खी़ ॱनेवालाक, “ख्‍यो़ ख्‍यो़री चोवो को़न्‍क्षोकला, ॱङीङ तीङने धाङ सेमगी तीङने धाङ राङगी तोप घीरीने धेनी राङगी नी़पा घीरीने चेवा झ्‍यी। धेनी राङगी खीम्‍चेला, राङला च्‍योक्‍रे चेवा झ्‍यी।”

खोङबागी देक्‍याला सुवालाक, “तो़न्‍दोक माङा दुक हीना मीलाकक्‍या ङ्युङा दुक। होझ्‍येरी तो़न्‍दोकगी चोवोला, राङगी तो़न्‍दोकगी क्षीला मीलाक ताङरोनाङ ॱनेरी सोवा धेप।

धेनी येशुगी ढीवालाक, “ख्‍यी़ साम्‍लोला, दे सुमने झ्‍याक्‍पाक्‍याई लागाला ठेठा मीगी़ खीम्‍चे सु हीन्‍ढी़?” धेनी क्षो़ठीमगी ॱलोपो़नगी़ ॱनेवालाक, “होदे मीला ॱङीङजे तो़न्‍गीनगो।” धेनी येशुगी खोला सुवालाक, “ख्‍यो़ सोङ धेनी देरेराङ झ्‍यी।”

धा सोङ, ङा खेक्‍याला चुङगुक्‍या खोकला लुक्‍टु च्‍योक्‍रे झ्‍येरी ताङाहीन।