Popular Bible Verses from မာကု 10

Share

ဖြားဖြစ်ကြောန့်နူးဆိုဟှာ လူ့ရဲ့သားဟှာလည်း ခိုင်းစားဟှို့လာဇာ မှုဟှ။ သူဟှာ စေခံဟှို့န သူ့သတ်ဟှို စွန့်ဘီး လူလေဟှို ဝီးနုတွပ် လာဟှယ်” ဆိုဘီး မိန့်တော်မူလေဟှယ်။

ယေရှုဟှာ သူးနို့လေဟှို စေ့စေ့ကေ့ဘီးဟှာ “အယ်မှုဟှာ လူလေတွပ် ဖြစ်နိုင်ဟှ။ အယ်ဘေမဲ့ ဘုရားသခင်တွပ် အားလောင်းဂူ ဖြစ်နိုင်ဟှယ်” ဆိုဘီး ပ္လန်ဖြေလေဟှယ်။

ယေရှုဟှ “သွားလိုက်၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ” ဆိုဘီး မိန့်တော်မူလေဟှယ်။ ရှစ်ရှင်းဘဲ အယ်လူဟှာ မျစ်စိဗြင်ဟှားဘီး လမ်းတရှော့‑က်လောင်း ယေရှု နော့‑က်ဟှို လိုက်လေဟှယ်။

အယ်ကြောန့် ဘုရားသခင် ပေါန်းစပ်ပေးဟှားဇာဟှို လူခွဲခွာစေန” ဆိုဘီး သူးနို့ဟှို မိန့်တော်မူလေဟှယ်။

ယေရှုဟှ အယ်လူဟှို ရှစ်ဟှူစိန စေ့စေ့ကေ့ဘီး “နန့်မာ တခုဘဲ့ လိုနေဟှယ်။ သွားဘီး နန့်မာရှိဇာလေ အားလောင်းဟှို ရောန်းလိုက်ဘီးဟှာ ဆင်းရဲသားလေဟှို ပေးလိုက်။ အယ်ဆိုဟှာ နန့်ဟှာ ကောန်းဂန်ဘောင်မာ ဘဏ္ဍာရလေ့မယ်။ အယ်ဘီးမှ လာဘီးဟှာ ငါ့နော့‑က်ဟှို လိုက်ပါ” ဆိုဘီး မိန့်တော်မူလေဟှယ်။

ယေရှုဟှ “နန့်တွပ် ဖြားဇာ လောက်ပေးစေရှင် ဟှယ်နူး” ဆိုဘီး သူ့ဟှို မေးလေဟှယ်။ မျစ်စိကန်းဟှူ လူဟှ “ဆရာ၊ ကျွန်တော် ဗြင်ရှင်ဟှယ်” ဆိုဘီး ပြောလေဟှယ်။

နန်းနို့လေထဲမာ အယ်မျိုးဖြစ်ဂေ့န။ အယ်မျိုးဖြစ်မယ့်စား ကီးဆောင်းဖြစ်ရှင်ဟှူ ဖယ်လူဘဲ့ဖြစ်ဖြစ် နန်းနို့ထဲမာ စေခံဖြစ်ရမယ်။

ငါ မှန်တိုင်းပြောမယ်၊ ဘုရားသခင်ရဲ့ နိုင်ငံတော်ဟှို သားဂန်းတယော့‑က်မျိုး လတ်ခံဘဲဟှူလူဟှ နိုင်ငံတော်ဟှို လောင်းဝ ဝမ်ရလေ့ဟှို့ မှုဟှ” ဆိုဘီး တဗဲ့တော်လေဟှို မိန့်တော်မူလေဟှယ်။

အယ်ဘေမဲ့ ရင်ဦးဆောင်း က္လဟှူ သူဘောင်ဂီးဟှ နော့‑က်ဆောင်းက္လလေ့မယ်၊ နော့‑က်ဆောင်း က္လဟှူ သူဘောင်ဂီးဟှ ရင်ဦးဆောင်း က္လလေ့မယ်” ဆိုဘီး သူးနို့ဟှို မိန့်တော်မူလေဟှယ်။

အယ်ဘေမဲ့ ကျမ်းစာမာ ပြောဟှားတိုင်းဘဲ့ ဖန်ဆင်းစဒူးဟှ ‘ဘုရားသခင်ဟှာ ယော့‑က်ကျားန မီးမဟှို ဖန်ဆင်းဟှားဟှယ်။ အယ်ကြောန်းကြောန့် ယော့‑က်ကျားဟှ သူ့မိဖဟှို စွန့်ဘီး သူ့မီးမန ပေါန်းသင်းလေဟှယ်။ အယ်ဘီးဟှာ အယ်နှေ့ယော့‑က်ဟှာ တသားတကိုယ်ဒဲ ဖြစ်လာလေ့မယ်။’ အယ်ကြောန့် သူးနို့ဟှာ နှေ့ယော့‑က်မှုဟှ။ အယ်ဘေမဲ့ တယော့‑က်ဒဲဘဲ့ ဖြစ်ဟှယ်။