Popular Bible Verses from မဿဲ 14

Share

အယ်ဘေမဲ့ ကြမ်းထန်းဟှူလေဟှို ဗြင်ဟှူ ခီမာ ကြော့‑က်လန့်ဟှားဘီး ရေထဲဟှို နစ်မ္လုစပြုဟှားဟှယ်။ “သခင်၊ ကျွန်တော်ဟှို ကယ်တော်မူပါ!” ဆိုဘီး အော်ဟစ်လေဟှယ်။ ယေရှုဟှ ရှစ်ရှင်းဘဲ လတ်တော်ဟှို ဆန့်ဘီးဟှာ ပေတရုဟှို ဆွဲကိုင်ဘီး “ယောင်ကြည်ရှင်း အားနဲဟှူလူ! ဖြားဖြစ်ကြောန့် ယောင်မှားဟှူ စိဖြစ်ရနူး” ဆိုဘီး မိန့်တော်မူလေဟှယ်။

အယ်ဘေမဲ့ ကြမ်းထန်းဟှူလေဟှို ဗြင်ဟှူ ခီမာ ကြော့‑က်လန့်ဟှားဘီး ရေထဲဟှို နစ်မ္လုစပြုဟှားဟှယ်။ “သခင်၊ ကျွန်တော်ဟှို ကယ်တော်မူပါ!” ဆိုဘီး အော်ဟစ်လေဟှယ်။

ယေရှုဟှ “စိုးရိမ်ဂေ့န! ငါဘဲ့ဖြစ်ဟှယ်။ ကြော့‑က်ဂေ့န!” ဆိုဘီး သူးနို့ဟှို ရှစ်ရှင်းဘဲ့ မိန့်တော်မူလေဟှယ်။

ပေတရုဟှ “သခင်၊ ကိုယ်တော်မှန်ဟှယ် ဆိုဟှာ ကျွန်တော်လည်း ရေထတ်မာ လမ်းရှော့‑က်ဘီး ကိုယ်တော်နားဟှို လာဟှို့ မိန့်တော်မူပါ” ဆိုဘီး လျှော့‑က်လေဟှယ်။ ယေရှုဟှ “လာပါ!” ဆိုဘီး မိန့်တော်မူလေဟှယ်။ အယ်ကြောန့် ပေတရုဟှာ လှေထတ်ဟှဆင်းဘီး ရေထပ်မာ လမ်းရှော့‑က်ဟှားဘီး ယေရှုနားဟှို သွားလေဟှယ်။

လှေထဲမာ ရှိဟှူ တဗဲ့တော်လေဟှလည်း ယေရှုဟှို ရှိခိုးလေဟှယ်။ “ကိုယ်တော်ဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!” ဆိုဘီး လျှော့‑က်ဂေ့လေဟှယ်။

ယေရှုဟှ “သူးနို့လေ သွားဇာလိုဟှ။ အယ်သူလေစားဟှို့ စားဇာဟှို နန်းနို့လေ ကိုယ်တိုင် ပေးဂေ့ပါ!” ဆိုဘီး မိန့်တော်မူလေဟှယ်။ တဗဲ့တော်လေဟှ “မုငါးလောင်းန ငါးနှေ့ကောန်ဘဲ့ ကျွန်တော်ဟှားလေမာ ရှိပါဟှယ်” ဆိုဘီး ပ္လန်လျှော့‑က်လေဟှယ်။

ယေရှုဟှ “အယ်မုန ငါးဟှို ယူလာပါ” ဆိုဘီး မိန့်တော်မူလေဟှယ်။ ကိုယ်တော်ဟှ လူလေဟှို ဗြစ်ပ္လန်ထတ်မာ ထိုင်ဟှို့ မိန့်တော်မူဘီးန မုငါးလောင်းန ငါးနှေ့ကောန်ဟှို ယူဘီး ကောန်းဂန်ထတ်ဟှို မျှော်ကေ့ဘီးဟှာ ဘုရားသခင်ဟှို ကျေးဇူးတော် ချီးမွမ်းလေဟှယ်။ အယ်ဘီးမှ မုန ငါးဟှို ဖဲ့ဘီး တဗဲ့တော်လေဟှို ပေးလေဟှယ်။ တဗဲ့တော်လေဟှလည်း လူလေဟှို ပေးလေဟှယ်။

လူလေအားလောင်းဂူဟှာ စားဘီး ဗိုက်ပ္လဲ့ဟှားဟှယ်။ အယ်ဘီးန တဗဲ့တော်လေဟှာ စားဘီး ကျန်ဇာလေဟှို စုသီးလိုက်ဇာ ဆယ့်နှေ့တောန်းပ္လဲ့ ရဂေ့ဟှယ်။