Popular Bible Verses from Matius 9

Share

Mpe Yesus nfalak tnyanuk pupule ber Ni manglartar, “Let isnir ma keta tal ye yadin desar nempa mangkaryayar lan du. Mpa ka mtyak myof lete nruany ma ntafal mangkaryayar nema ral let isnir ye.”

Mpa mbyali kmi ma mireke ma mifai feti Ratu Ni ngribatnir ye isiny farpe. Ratu Ni ngribatnir a ne farye: Tomwatar ma rfatutu nir lolompang ber tomwat walyetar, sir a ne ma rafsenange dalangw. Ma Yakw kmpweang sir nlengan nof tomwatar ma rloik nir snyompar nempa to nir lolompang ber tomwat walyetar. Fali Yakw kmwa e, to ktwar tomwatar ma rase feti sir rose kabain botunar na Ratu sounlury, nempa yak kmwa ber tomwat salar nema rtate nir salar.

Noak ma Yesus nsalan tomwat ngayadin a ne, I nlompang resi sir. Fali nir susar yadin ma to kekes ma rtulung sir. Ma sir farlan dombayar ma to nir mangajake.

Noak ma Yesus ndengar ma sir rfalak farane, I nfalak ber sir, “Tomwatar ma to rafanas to ranriak dokter, lan mangafansar.”

Mpe Yesus nmpan a nlole nof kotar sa ma nti kotar sa, ma pnuar monuk na propinsi Galilea. I naftutu tomwat Yahudyar na nir das sampangar. Ma nafwibar Ibar Ngamone feti keta Ratu neluk Rai ma nfarete tomwatar. Ma I nafngamone nbal tomwatar rof nir maningkyar felnir mpane.