Popular Bible Verses from Yohanes 16

Share

Yakw kfwalak kabanir monuk ye ber a kmi nema myorip na maline, fali dalmir lese myor Yakw lo. Ma keta mkyoman suse na saryamprene ye, nempa ka mifkoran dalmir fali kufufu kuasar monuk na saryamprene ye lo.”

Nempa noak ma Ratu Smwangtany a nma e keta naftutu kabain botunar na Ratu. Ma I keta nose ma kmi mkyaul myal anftutw botunar monuk. Ma keta I to natanuk nlarat Ni mpempeang, nempa nlarat safe ma I ndengar nof Ratu. Ma keta I nafbotin ber a kmi na kabanir ma rbotin na lere ma nma ne.

Kmi dalmir lese myor Yakw lo nempa terik lere ye kmi to mtyak sasaf myof Yakw fuky. Mpa lere ye mtyak lo, ma Ratu keta nal safe-safe ma kmi mtyak a ne, nema mir senange nlie nlengan.

Nempa safe ma kfwalak ye botuan. Mpa farlan Yakw ktwi e iane nangafel desar ber a kmi. Fali farlan to ktwi e keta Ratu Smwangtany to nma ma nakmat a kmi. Ma farlan ktwi e keta kswiduk Ratu Smwangtany ma nma ma nor a kmi. I a ne ma nlikur Yakw ma ntulung a kmi. Ma farlan I nma e keta I nose ma tomwatar na saryamprene ye rfenai feti rose sale lo. Ma I nose nbal ma sir rafai feti Yakw kmworip e kumlonry na Ratu sounlury, ma rafai feti keta Ratu nukun tomwatar na saryamprene.

Feleles farlan kmi a nbal. Lere ye kmi dalmir suse, nempa keta kbwali Yakw ma kswalan a kmi a nbal, ma keta mimpumpuki resi kmi. Ma to tomwate fen lese nbal ma nose nteri kmi ma mimpumpuki kmi. Ma na lere ma Yakw kmworip a kbwali keta kmi to myenrat sasaf myof Yakw lo. Mpa mdyengar fen ngamone safe ma kfwalak ye. Ni botuan e safe-safe ma mtyak myof Amangw, keta I nal ber a kmi fali milele Yakw.

Mdyengar fen ngamone safe ma kfwalak ye. Ni botuan e kmi keta mtyasing ma milol, nempa tomwatar na saryamprene ye keta rsenang. Luryain e kmi mtyasing, nempa famudi e keta kmi msyenang resi.