Popular Bible Verses from Masayo 6

Share

Teng'hu zahileni Ufalume wa Mulungu na yaja yoyolonda muyatende, maabaho Mulungu kezamwing'hani yayo yose.

Ivo sekemusang'hanile ya igolo, kwaviya ya igolo yezaisang'hanila yenyewo. Chila siku yoisang'hanila yenyewo.

“Lekamana nowalongela, sekemuwe na hangaiko, viya vondamukale kuno molonga, moja choni na mong'wa choni na iviya ng'huli zenu muyawale choni, vino ugima ni kuja muhala? Na lukuli ni kuyawala muhala? Vino viwalo vinoga kufosa lukuli na lukuli kufosa viwalo?

Mbali wahatosa, ingila muna ichiheleto chako, hinda lwivi lwako na utose kwa Tati yako, hawoneka. Tati yako yowona chiya chiutenda chinyele, kezakugweka.

Mbali mweye toseni vino, ‘Tati yetu wa kuulanga, zina jako ditunhizigwe, Ufalume wako wize, jojose diulonda udisang'hane, hano hana iisi, fana viya viusang'hana uko kuulanga.

Uching'he diyelo ndiya yetu.

Uchilekelele mabanango yetu yaja yochitendile, fana viya cheye vichiwalekelela wamwenga wowachibanange cheye.

Sekeuchigume muna yamagezo, mbali uchikombole na ija Msede, kwaviya ufalume wako una nguvu, na utunhizo wa siku zose.’

“Kwaviya one mwahawalekelela wamwenga mabanango yowamtendeleni, Tati yenu yeli kuulanga kezawalekela na mweye.

Waloleni ndege wa kuulanga, hawahanda wala hawagobola wala wabule gulu jojose, mbali Tati yenu wa kuulanga koweng'ha ndiya. Vino mogesa mweye hamulondeka kuwafosa wawo?

“Sekemwike ngama zenu hano hana iisi, bule ivo sondo wezazibananga, na wabavi wobomola na kubawa. Mbali mweye mwiikile ngama kuulanga, uko sondo na ng'hutu havidaha bule kuzibananga, na wabavi hawadaha kubena na kubawa. Kwaviya haili ngama yako baho heli na moyo wako.

“Habule munhu yodaha kuwasang'hanila wenevale waidi, kwaviya kezamwihila ino na kumulonda ino, hebu kezailumba na ino na kumbeza ino, hamudaha bule kumsang'hanila Mulungu na vinhu.

Fana Mulungu koyayawaza ivo mayani ya kumbago, diyelo yabaho, igolo yokwaswa muna umoto. Vino Mulungu hadaha bule kumuyawazani mweye? Wanhu muli na uhuwilo mdodo!

Mbali weye one wahamwing'ha chinhu munhu yeli bule, hata mbwiya wako wa habehi sekeyavimanye chiya chiutendile. Ivo iyo izakuwa sadaka yako ya chinyele, na Tata yowona yafisike, kezakugweka.

“Muteganye sekemusang'hane yanogile haulongozi ha wanhuu, muladi mudahe kutogoligwa na wawo. Muvimanye mwahasang'hana mbuli zifanile izo, hamwizadaha kwing'higwa gweko na Tati yenu yeli kuulanga.

“Muhafunga, sekemuwe fana wadelenya wowokwesa ng'hombali zawo fana wana usungu muladi wawoneke kuwa wafunga. Nowalongela kweli wahokela gweko jawo wamala. Mbali weye wahafunga kuja, ibobode mavuta mditwi jako na unawe chihanga chako. Muladi wanhu wamwenga sekewavimanye kuwa weye kufunga kuja, Tati yako muhala yeli hawoneka kezavimanya. Na Tati yako yoyawona yaja youyatenda kwa chinyele, kezakugweka.