Popular Bible Verses from Romanos 1

Share

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Ania'a aktaqmanma nak hengeleltennaskek vanlha Eniapom Neten apvankek henteskesangkok nelpeivomo aniem'o mongeliaskeiam Jesucristo, ka ktemo nak aktalhesammalhka nhan Vakkahak Eniapom Neten apaivoma hengke'e: «Enenlhet apto la apeivomo, eloka ta akvanqakhoho» ka ntemak ma'a.

Mongapvankek koka angvetak Eniapom Neten kakpota nhan apmopvana nkotnengvaianlha nnelha, koka neksa alketamekama la apvalho'ok enenlhet aktemakha lhamakho qaselha apkelentepkeskama lhta m'a aniem'o apkelvetai'a, nkolpeivesekha apvalho'ok apnema have niapak ankek Eniapom Neten. Mankollapvankek na etlhenek meliamo Eniapom Neten

apkeliave niekhe m'a, koka nkaqhok na mellai'ok apvesai'a m'a, metnaiangkok na gracias ma'a. Vanlha koka atlheianmo apvalho'ok nkoietemo nke, alpaisengkeskeskamo nhan apvalho'ok ma'a.

Lhamakho qaselha ngkollatsekama nak aniem'o apkelieniekha Eniapom Neten, apkelieplekho m'a akmovana ania'a nak, apkellai'o, apkellasennaiangka nhan qaselha apkelentepkeskama lhta Eniapom Neten. Koka nietave niekhe eliavenkaskesama apvesai'a m'a metka nnelha vanlha Eniapom Neten. Amen.

Koka Eniapom Neten evaivesenta ta apiaqmongkasekha takhalhet'ok qaselha ngkollatsekama nak apkellanekamok enenlhet, kanhan mankopeivomo nak apkellanekamo mota enenlhet'avok, akto nhan altaqheskeskamo mota akto nak have niapak ankek aniem'o koka m'a melpeivomo.

Meliamolhma songkek ma'a, elieniekhak Eniapom Neten kakpota etlhengkesek apankavek anmahai'akha apvalho'ok apankavek ellanangkok qaselha henmankaskama nak, ngkelvana'ak mmaskek akteniangko anakteiangka'a apkelennava'ak apankave, ngkelvana'ak lhemek koka nkenmakhak ma'a. Apkelennava'ak mmaskek apteniangko ngkelvana'ak ankave, apkelennava'ak lhemek koka apkenmakhak aniem'o aliekangveiakmo apkenmokhetma, ka nkeniemai'ak apketlhevaiangkok akiaqmoiekha m'a. Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Apketlhenammakpave lhta mota nema apkeliamo m'a, koka malha metka apaqto'ok ma'a, ngkanek apkelieniekhek Eniapom Neten apto aknema apmopvana mankotnengvaianlha nnelha. Apkeltakneskeskekho m'a qaselha apkellanekamok apankavek anata akiokha, kakpota nhan qaselha 4 ameiok anak, akiokha nhan allelto nak alpelhievaikama nalhepop.