Popular Bible Verses from Juan 19

Share

Ka apkellanengko lhta ieteiepa akmok iamet nav'a akvenaktema m'a, apiaskeso lhta konne nahaikok vino akmaska, apkeltelhnaskeso lhta nhan apatong Jesús apielhnakha neten. Ka apetseso lhta Jesús ma'a, lhta aptak: —Aspeneske asmakmekama —lhta aptak. Ka akiaqneno lhta nhan apqatek ma'a, apketsepo.

Apiave lhta Jesús apeneskama lhamakho aktemakha apmakmekama, lhta aptak: —Knem heiaqhak —lhta aptak ma'a. Koka ngvai'ak ma'a aktemakha lhnak nanek aklheianma Eniapom Neten apaivoma aktalhesammalhka.

Ka apvet'o lhta ngken Jesús ma'a aklhelhma lhema apkeltameskama apkamelaianlha, lhta aptak apkano: —Lheia, kotne ta atka ham —lhta aptak. Netamen alhta aptak na mokhom apkano apkeltameskama m'a: —Lheiap hata etnekha ngken ham —lhta aptak. Netamen ma'a, apiantemakho lhta apnemakha m'a.

koka ma lhta alentaso apelhkapkok Jesús ngkanek apketsepke lhta kolhvavek ma'a. Koka lhema soldado lhta apkelieplhak heva akiavai'a napokha Jesús ma'a akteiapvakmo lhta nepketama mo'ok napokha, kolhvave lhta ntepak ema apankok kakpota nhan iemmen akiepetkai'a.

Koka aktemakha lhta akvetammalhka qaselha m'a ntemengkek aklheianmo lhnak nanek Eniapom Neten apaivoma ngkotnek hata m'a, lhnak nane ntemak: «Mankolhe ta alentaso apelhkapkok ma'a» lhna ntemak. Ka ntemak na Eniapom Neten apaivoma: «Nkolhek hata allanengka enenlhet akiaqlhammalhka lhta napokha akvakmo apteiapvakmo mo'ok napokha nepketama» lhna ntemak.

Aplhengke lhta Jesús ma'a akieplomo iamet aktenneskama apatama akvakho iokhalhma akvesai'a Golgota, hebreo apkeltema koka aknaiangkolha ientepak nema apqatkok.

Apkellaneiangko lhna lhta nhan apkelpelhiangkamekamok iamet aktengok atko'ok aknema am'ok soldados romanos ma'a, apkelatkeskasekho lhnak apqatek Jesús ma'a. Apkellaklasekho lhna lhta nhan apkaqlammap apvenaktema apaiseiam apielhvasema m'a