Popular Bible Verses from Juan 13

Share

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap. Ka apkellasekhakpo la mota apieseksek anak ketlhengkap, nkotlheianvakhok hata apvalhok enenlhet have niapak ankek askeltamesaikamok ketlhengkap —lhta aptak Jesús.

Nkaqhok koka askelienieskasengkek apmanko'ok ketlhengkap, hata nhan etnangkok apieseksek ketlhengkap ma'a astakha lhkek.

Koka lhta aptak Jesús: —Meihok mokhom lheiap astakha nak askelanai'a, alhaiek hato ka eihangvakhok lheiap —lhta aptak.

Have niapak ankek nema annengkasekama nak have apto neten apankek apveske apankok, nnavek na nema apaskama nak have apto neten apankek apto apkapaskama.

Apkellelto la apkenmaikamok takha asketlhekmoskama nak, aptangko la nhan, etnangkok hata nhan aktaqmelakho nkek ma'a.

Mpeneske lhta akmaikama aveske keliaqhameiok Judas, Simon Iscariote apketka kakpota eselhnanak Jesús ma'a. Apiave lhta Jesús apto Eniapom Neten apkapaskama kakpota nhan etaqhok apnakha m'a, apiavek na Eniapom apkaiangko lhamakho aktemakha apmopvana m'a. Neksa aptaveikokha lhta pelhasep ma'a, apkenmakho lhta neten Jesús, ka apleko lhta apkaqlammap, aptetakho nhan lhema ietamopai'a napokha neplhet. Apiatmo lhta nhan iemmen lhema aphak akiavai'a, apkempo nhan apkelienieskasekamok apmanko'ok moklhem'a apkeltamesaikamok, netamen apkeliemaskesakho nhan ietamopai'a napokha lhta m'a.