Popular Bible Verses from Hechos 5

Share

Koka apkatemmoiangka lhnak Pedro kakpota nhan aptemo lhemek nema allapaskamo, lhna aptaiangkok: —Ntasek ennengko'o angelleliehekhok apmanie nkek ma'a Eniapom Neten, netamen na enenlhet'avok.

Lhamakho aknem nak apketlhekmosekamok aptemakha Jesucristo akieto m'a Eniapom Neten apnemakha kakpota nhan lhamakho apkakhaiangkolha la enenlhet ma'a.

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma! Lheiap apmahai'a apankek eienio'ok lhepop apankok, lheiap na apmahai'a hengellangkok patakkom kakpota angennaskekhak. ¿Se lha akto hengeliennengkaso nak ke, he? Koka have ennengko'o hengeliennengkeskama, Eniapom Neten koka apiennengkasak lheiap —lhna aptemak apkanemo Pedro. Neksa aplengai'a lhnak Ananias ma'a, apiaqnanmo lhnak, apketsepmo nhan ma'a. Avanhek nak apkennelhtengama neten enenlhet'avok apkellengai'o ania'a nak.

Ka astak askellano kolhvave nak meliasamo nke lhma enenlhet'avok anak, ka akto la aniem'o apketlhekmosekamok apanko'ok apankave, nkomaskengvomok hata m'a. Koka aniem'o la Eniapom Neten, mankollapvankek enaqtevaksek ma'a hengetlhekmoskama nak ¡Ellaho ta, apkellammelhkek kelha Eniapom Neten ketlhengkap! —lhna aptemak Gamaliel.