Popular Bible Verses from Luki 8

Share

Niŋ bataa kɔɔtɛ, konaŋ kiri bɛɛ ri i ji nmaŋ, nwɔ̀ri i miŋ tu pwɔkulinŋ jii ri. A nini Kirinŋ wɔ wulu ki rama, kí i ǹʼpa-a sɔbɛ fa ciirufɔɔbi wu, kí i tu ǹʼsun cunadibi wu, fɔ kí i daŋ pa. »

Koŋ tɔri ri i ji nmaŋ sɛbɛ, nwɔ̀ri i miŋ tu cii maŋ ni. A nini Kirinŋ wɔ wulu ki rama, ciirufɔnɔbi kiri fa nafulu tɔ ki fa firi dintɛ bi jɛ kiri i na-a arì la niŋ wulu ki sun, fɔ ŋì i kɔ́ɔ́ bilinabi ki li. Ŋì i ji-a miŋ tu bilaŋ wɔ̀ furu-i, ŋì i a daŋ ki sobali tu.

Koŋ tɔri ri i ji miŋ tu faa maŋ ni, a kí Kirinŋ wɔ wulu ki rama, kí i ǹʼpa-a ciirudibi wu farɔn, nka ŋì sɔɔmaŋ kila-a kí tɔnŋ kiri ra kì. Kí i bilinabi ki ma-a waarinŋ pyaanŋ nu, nka yɛlinŋ pyaanŋ bo kí sun, kí i bilinabi ki tɔnbo-a.

Niŋ kɔɔtɛ, Yesu i ǹʼbi awɔ kalindaŋ kiri tɛ : « Ábɔɔ bilinabi ki da gbɛ? » Kɛmi i de kalindaŋ kiri ru, ŋì i bo kí fɔn tɔnŋ sun, kí i arìmaŋ nanɔri-ri : « Ee! Ka koŋ ka koŋ kwuru danwɔ, fɔ ntiŋ i fali-li faa ki fa jukwululuŋ kiri fɔn sun, yìrì i ǹʼtu-ri ntiŋ wɔ ra? »

Kpeeri i nmaŋ, nwɔ̀ri i miŋ tu saa tɔnŋ na ni, bilanaŋ ki fɛɛn-ɛ nwɔ̀ri ru. A niŋ koŋ kiri Kirinŋ wɔ wulu ki rama, shitaanni ki i na-a ǹʼbataa kini po san kí ciiru, nwɔma kí fa na bili Kirinŋ wɔ wulu ki ra, niŋ i kí mwu kì.

Finŋ woo finŋ nadu-i, nini bataa ra na po taanna jibi bɛɛ. Gonto tɔri tenŋ nmaŋ, tu nwɔ̀ a na tu tɔbali kì.

Mari ki ǹʼja-i tu afinŋ a so a radu-i kili kì, nmari i sɛrɛsɛri na a kwushiri Yesu fɛ. Nmari a gbɛ pa-i Yesu wɔ juulinŋ ki ra ŋuŋ wɔ̀ ra, niŋ fa nmari kene-i manaanŋ tenŋ nu ɲaan wɔ̀ tɛ, nmari i niŋ ɲaanbi ntiŋ tɛ konaŋ ki ɲaanna. Niŋ na, Yesu tu nmari tɛ : « Ńʼdanmari, mɔɔn bilinabi ki nʼkene-i. Kirinŋ de nʼshɔɔrinŋ wu. »

Niŋ ɲaan ki tɛ, kalindaŋ kiri i arì kpaan Yesu tɛ, kí i ntiŋ ŋmɛni, kí i ǹʼbi : « Kalimɔɔ, kalimɔɔ, yibɛɛ ra beeni ju ki ru kaa dɛ! » Yesu i ŋmɛni, ntiŋ i jɛbi faa ki fa jukwululuŋ kiri gbɛ. Faa ki i tu, jukwululuŋ kiri i sunjɛri pilɛ!