Popular Bible Verses from Mateus 12

Share

Hanoin didiak! Iha loron ikus bainhira Maromak tesi ema hotu-hotu nia lia, Nia sei tetu ema nia liafuan ida-idak. Imi nia liafuan nebee mak imi koalia arbiru, imi tenki responsabiliza iha Maromak nia oin. Tanba tuir o nia liafuan, o sei sai ema nebee loos i tuir o nia liafuan mos o sei hetan kastigu.”

Imi nee hanesan samea nebee fila lia tuun-sae! Imi ema laran aat bele koalia buat diak? Lae! Tanba buat nebee mak iha ema nia laran, ida nee mak sei sai hosi nia ibun.

Ema nebee diak koalia liafuan diak, tanba nia laran nakonu ho buat diak. I ema nebee aat koalia buat aat, tanba nia laran nakonu ho buat aat.

Nee duni Hau hatete ba imi, ema nebee halo sala, too hatete aat Maromak, Maromak sei foo perdaun. Maibee see mak hatete aat Espiritu Santu, Maromak sei la foo perdaun ba nia.

Jesus koalia nafatin ba ema Farizeu sira dehan, “Se imi dehan ai huun nebee diak maka sei foo fuan diak. Maibee se imi dehan ai huun nebee la diak maka sei foo fuan la diak. Tanba hosi ai nee nia fuan mak hatudu katak ai huun nee diak ka la diak.