Popular Bible Verses from João 19

Share

Bainhira Jesus koko hemu tua siin nee, Nia dehan, “Hotu ona!” Depois, Nia hakruuk, Nia iis mos kotu.

Liu tiha nee, Jesus hatene ona dehan, Nia halo remata ona Nia serbisu hotu. Nee hodi kumpri saida mak hakerek ona iha Maromak nia Sagrada Eskritura. Nia dehan, “Hau hamrook.”

Jesus haree Nia inan hamriik iha nebaa, hamutuk ho eskolante nebee Nia hadomi, nee mak hau, João. I Jesus hatete ba Nia inan dehan, “Nia nee ita nia oan.” Tuir mai, Nia hatete ba hau dehan, “Agora, o simu nia hanesan o nia inan ona!” Hahuu hosi momentu nebaa, Jesus nia inan hela hamutuk ho hau iha uma.

Maibee bainhira sira too ba iha Jesus, sira haree Nia mate tiha ona. Nee mak sira la baku tohar Nia ain. Maibee soldadu ida foti nia dima hodi sona Jesus nia knosen sorin. Raan fakar i bee mos sai kedas.

Buat sira nee hotu akontese, hodi kumpri saida mak hakerek iha Maromak nia Eskritura Sagrada nebee dehan, “Nia ruin sira, la iha ida mak tohar.” Iha Eskritura Sagrada nee, hakerek mos iha fatin seluk dehan, “Aban-bainrua sira sei haree ema nebee sira sona nee.”

Jesus lori Nia krus sai hosi sidade. Sira lao ba iha fatin ida nebee sira bolu dehan, “Fatin Ulun Ruin nian”. (Iha sira nia lian Aramaiku, fatin nee nia naran, Golgota.)

Soldadu sira nee mos halo koroa ida hosi ai tarak, i haneha ba iha Jesus nia ulun. Sira finji hanesan sira atu foti liurai foun ida. I sira foo hatais ba Jesus batina kor uvas ida hanesan baibain liurai sira mak hatais. Tuir mai sira goza Nia dehan, “Viva ema Judeu nia liurai!” I sira mos basa Nia.