Popular Bible Verses from João 15

Share

Hau hanesan ai uvas huun ida. Imi hanesan nia sanak. Ema nebee metin nafatin ho Hau, no Hau mos metin ho nia, nia hanesan sanak nebee foo fuan barak. Tanba, se imi la metin nafatin ho Hau, imi la bele halo buat diak ida.

Imi tenki metin nafatin ho Hau, hanesan Hau metin ho imi. Sanak nebee tesi sai ona hosi nia huun la foo fuan tan ona. Nunee mos ho imi. Imi la bele halo buat diak ruma, se imi la metin nafatin ho Hau.

Maibee se imi metin nafatin ho Hau, i Hau nia Liafuan mos hela metin iha imi nia laran, maka imi bele husu saida deit ba Nai Maromak, Nia sei foo ba imi.

Laos imi mak hili Hau. Maibee Hau mak hili no foti imi hodi halao serbisu nee. Nunee imi tenki baa halo buat diak barak nebee bele dura. Nee hanesan ai uvas huun ida nebee foo fuan diak nafatin. Se imi halo nunee, imi bele husu saida deit ba Hau nia Aman lori Hau nia naran, i Nia sei foo ba imi.

Se ema ida mate para nia belun sira bele moris, nee hatudu katak nia hadomi teb-tebes nia belun. La iha domin ida nebee boot liu domin ida nee.

Ema nebee dehan nia hamutuk ho Hau, maibee la halo buat ida, Hau nia Aman sei soe tiha nia, hanesan toos nain tesi tiha sanak sira nebee la foo fuan. Maibee ema hotu nebee metin ho Hau, Hau nia Aman sei hamoos foer iha nia laran, hanesan toos nain tesi sai tiha sanak sira nebee la foo fuan para nia foo fuan barak liu.

Hau nia ukun-fuan nunee: imi tenki hadomi malu, hanesan Hau hadomi ona imi.

Se imi halo buat diak barak, nee hanesan sanak nebee foo fuan barak. Nunee imi foti aas Nai Maromak no hatudu katak imi nee, Hau nia eskolante sira.

Jesus hatete, “Hau mak hanesan ai uvas nia huun loloos. I Hau nia Aman mak hanesan toos nain.

Ema nebee la metin nafatin ho Hau, nia hanesan sanak nebee la iha folin. Sanak hanesan nee, toos nain tesi soe tiha, para sai ai maran. Depois ema halibur ai maran nee hodi baa sunu tiha.

Hau foo hatene buat sira nee ba imi hori uluk kedas, para imi bele haksolok, hanesan Hau mos haksolok. Hau nia hakarak para imi haksolok teb-tebes.

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

Hau nia ukun-fuan ba imi mak nee: imi tenki hadomi malu.”

Se imi hanesan ho ema iha mundu nee, sira mos hadomi imi. Maibee imi la hanesan ho sira. Hau haketak ona imi hosi sira. Nee mak sira odi imi.