Popular Bible Verses from Matiye 24

Share

Mambray wawan zən diyɗa, əŋgla net ɗiy diyɗa waffeti. Ya ɗəf an dəziw ɓəlɓəl hã aza əgrak na wakõhu.

Alabara nenek na məlĩ na Maŋgəlva wapel aka dələv pakə, vi dərbəgən azet ɗiy-ɗar pakə, asna wəgrak wade kana.

Wakəprəmaŋ alabaraɗe na əgay go'o də faraɗa, kədawgeslne'eŋ ɓa. Aslək dəgəɗgən vaska, ya əgraki tagay ɓa.

Ɗiy wagayaŋ dit ɗiy meɓɓeti. Məlĩ wagay də məlĩ maɓɓani. Mãy də əɓla na dələv wagəɗ a təki temtemi. Zəgeɗis pak ətəŋ na əssaŋgə.

Disiŋ də dəlvafuŋ pak wagrakaŋgə, ya sessel əpel naw agrak na ɓa.

Vi ɗiy diyɗa wazzoŋ də iya naw dawnəh na: Intə Kristu. Wazetin ɗiy diyɗa.

Pay nani, kappokumi sən əzəmsahã, kabaykumi. Ɗiy-ɗar pak wazelkumən vi iya nawa. Pay nani, ɗiy diyɗa wargisleŋ də zəga naddaka ətaf neti, wazanən ziti, wazelenən ziti. Məskəleŋɗe diyɗa məwaŋ wən warbanən ziti, wazetin ɗiy diyɗa.

Yesu azlani, aɓsit na: Məzi zukum, vi ɗəf adawzokum ɓa.

Vi sən aski, nokum pak məzaɓan zukum moggoni, vi Wətən Ɗəf wade pay an məs kəɗɗumoŋ akan ɓa.

Məga kana, vi kəsənən pay Daya nokum adazzan ɓa.

Aka wən na pay nani gəm wənziya nan na ɗəf tay dəsən ɓa. Maslayɗe na disiŋ ɓa, wətən ɓa, abbər ki Afən kaka' ɓa.

Vi Kristuɗə məwaŋ wəna gəm məskəleŋɗe məwaŋ wən wazzoŋgu, waɗɗaŋ zəga narba dit sekeneɗ diyɗa vi kawzet ɗiyi, va wagəɗ na ɗiy en məwelit daydayə.

Va dəgəɗ pay na Nuwe, vaski əzza na Wətən Ɗəf adawsani. Va aka buwən məvekeveke dəɓlaŋ əzzoŋ ɓa, ɗiy əzəmaŋgə, əsaŋgə, əkayaŋ gili gəm wəke kirtit ammba zile, hã gap pay Nuwe atoŋ addəv bəlay. Dəsənən aket ɓa, hã buwən məvekeveke azzoŋ akenin pakə. Vaski əzza na Wətən Ɗəf adawsane'e.