Popular Bible Verses from Ruuka 11

Share

Bhoono, yiingabha emwe mbabhi, nawe mumenyiri okubhaha abhaana bheenyu ebhigiro ebhizomu. Ambe! Wuuso weenyu wa mwiisaaro atakutura okubhaha Ekoro Muhoreeru bhano bhakumusabha? Niigo eraabhe, kumuutu wuno araasabhe Ekoro Muhoreeru, arahaabhwa!”

“Kweego, enye ndabhabhuurira, mumusabhe Taatabhugya, neewe arabhaha kino mukusabha. Mukomye okurwa ku Taatabhugya, neewe arabhaha kino mukukomya. Mubhuge hanoo, niho Taatabhugya arabhiigurira ekiseku.

Omuutu wowoosi wuno akusabha, arahaabhwa wuno akukomya, arabhona, na wuno akubhuga hanoo, ariigurirwa.

Yeesu akabhabhuurira, “Hano mukubha muramusabha Taatabhugya, mugaambe ego, ‘Taata [weetu wa mwiisaaro], eriina ryaazo riguungibhwe. Obhutemi bhwaazo bhuuze, [obhuseegi bhwaazo bhukorwe mukyaaro hano, na kyeego bhukukorwa mwiisaaro].

No otwaabhire ebhibhi bhyeetu, kwo okubha etwe twoosi turabhaabhira bhano bhakutusariirya. Oturiihe mubhitiika, [nawe otutuurye no omubhi wurya].’ ”

Otuhe eziisiku zyoosi ebhyaakurya bhyeetu.

“Ameeso nigo etara yo omubhiri. Eraabhe ameeso gaazo gararora, bhuzomu, omubhiri gwaazo gwoosi gurabha no obhweero. Nawe, ameeso gaazo garaabhe masariku, omubhiri gwaazo gurabha gwiizwiiri ekiirima.

“Atariho omuutu wuno araakye etara, okumara ayikuundikirye. Nawe arayituura iguru mukikuumbo, okubha abhaatu bharaasikire munyuumba, bharore obhweero.