Popular Bible Verses from लुका 8

Share

मोलिलो आक्‍खामाबेॽ सिॽपॽआ चरि लुबॽआ चाहिँ, माहा याॽमिजिडे़ॽ निवाहाङ्‌मि बचन खेम्‍इन्‍डुजे मोबा निवाबेॽ नुरोॽ युङ्‌नुङ दुःखाबेॽ सुखाबेॽ चोप निवे़ॽ बिस्‍वास ले़न्‍डुजे, मोबा खोजिबाङ बेॽलो याॽमिजिडे़ॽ आसिस चुप्‍मिन्‍डुजे।

चिजिङ्‌घाबेॽ सिॽपॽआ चरि लुबॽआ चाहिँ माहाजिडे़ॽ निवाहाङ्‌मि बचनगो खेम्‍इन्‍डुजे, इगो मक्‍खाम्‍डेमबेॽहा चामा उङ्‌मामि सुरताडे़ॽ, याङ्‌सरावामि खाडे़ॽ, सुख बिलासमि खाडे़ॽ माहाजिमि बिस्‍वास वाबोक्‍निहानुङ चासो किङ्‌निहा।

रुङ्‌गोॽवाबेॽ सिप्‍पॽआ चरि लुबॽआ चाहिँ निवाहाङ्‌मि बचन खेम्‍नुङ साप्‍थाङ्‌मानुङ इॽछोॽको बिस्‍वास ले़न्‍डुजे, तर माहाजिडे़ॽ चइबानोॽ बिस्‍वास मे़ले़ःॽपॽआसे़ॽ सारो गारो सिॽमासोरोॽ बिस्‍वास ले़ःॽमा लेप्‍पेन्‍डुजे।

येसुडे़ॽ चोङ्‌साजि लुसुजि, “खोइ, हे़निङ्‌मि बिस्‍वास ?” माहाजि खरि मिनामि, येसुमि सक्‍ति खाङ्‌नुङ चोङ्‌साजि खोजिदाङ्‌बा काबोगामि, “इगो असाडे ? खोसे़ॽ योप्‍माबेॽको फे़ङ्‌ले़ॽवानुङ वाडुमसो खसिम्‍मे ले़ए़।”

रामबेॽ सिॽपॽआ चरि लुबॽआ चाहिँ माहाजिडे़ॽ निवाहाङ्‌मि बचन खेम्‍इन्‍डुजे तर निवाबेॽ युङ्‌हेसुजिने, इन्‍ढोङ्‌होङ माहाजिडे़ॽ बिस्‍वास मे़ले़टुजिरोनुङ मे़हिङ्‌मिरो लुनुङ सैतानडे़ॽ खोजिमि निवाबाङ निवाहाङ्‌मि बचन लाघे़न्‍डुए।

इडोॽ चुम्‍नुङ युङ्‌बॽआ चोप खा खाङ्‌मुहानुङ लेडोक्‍मा छॽइहा खा इमाङ टुहा, माहा चोप खा चोबे़ॽ ने़ःक्‍चा लेडोक्‍हेहा।

हागो का कुम्‍हेङानि ले़ए़ मिॽनुङ मो मेॽनामिॽ किस्‍सिमे़ॽ योङ्‌साङ येसुमि सराङ्‌बेॽ पोप्‌युसा। मोसे़ॽनोॽ येसु के़क्‍पॽआनुङ के़क्‍मासोरोॽ नुबोक्‍पॽआ खा चोप याॽमिजिमि पोम्‍बेॽ इःसु। येसुडे़ॽ मो मेॽनामिॽ लुसु, “होउ पसा, हे़ने़ए़ बिस्‍वासडे़ॽ हे़न नुबोइटे़, हागो नुरोॽ खडे।”

मोडोगे़ॽ खोम चोङ्‌साजिडे़ॽ येसु हुम्‍बोक्‍साङ लुसुजि, “हे गुरुज्‍यु, कानिङ्‌गो सिसिॽपोरोगिङ्‌मा।” इगो खेम्‍नुङ येसु पुके़ॽनुङ मो वाडुम योबु। मोडोक्‍पेॽनोॽ मो वाडुम एॽयुसा।