Popular Bible Verses from लुका 15

Share

मोबा खो येपोक्‍नुङ पाबामि खिमबेॽ टेघडा। खोम्‍बाडे़ॽ खो आप्‍मे़ॽनिङ्‌सिबॽआ ओःबाङ्‌नोॽ खाङ्‌डोक्‍नुङ खोम्‍बामि निवा नम्‍नावे़ॽ टिबु, मोबा पसे़ॽयु पिङ्‌घे़ॽनुङ हेप्‍साङ नम्‍नम ले़टु।

इगो के़ए़ पसा सिघे़ॽपॽआ ले़टे़ हिङ्‌जाटे़, खो मे़ःखे़ॽपॽआ ले़टे़ आयु चुप्‍मिटुङे’। मोबा साप्‍थाङ्‌मानुङ भत्‍तेर तरिगुजि।

के़ॽ हे़निङ लुनिम्‍ने़, इक्‍को पापि याॽमिडे़ॽ पाप ले़ःॽमा लेॽनुङ बिस्‍वासबेॽ आप्‍होङ मो याॽमिमि लागि हाइखा उनान्‍सये धारमिक याॽमिजिबाङ्‌सो बेॽलो हाङ्‌हाङ थाङ्‌सिरिॽटु ले़न्‍डुजे।”

हागो का पाबामि खिमबेॽ टेघे़ॽनुङ पाबा लुनुङे, के़ॽ निवाहाङ्‌नुङ पाबा हे़ने़ए़ निवा टुक्‍मेॽनुङ बेॽए पाप ले़ए़टुङे।

“मोबा पसाडे़ॽ लुसु, ‘पाबा, के़ॽ निवाहाङ्‌मिनुङ हे़ने़ए़ निवा बेॽलो टुक्‍मेॽनुङ पाप ले़ए़टुङे। हागो का हे़ने़ए़ पसा लुमासो खे़न्‍जाङानि।’

“मिॽखाक्‍सानुमे, हे़निङ्‌बेॽ इक्‍को याॽमिमि सये गोटा सामु टुसामि। माहा सये गोटाजिबेॽ इक्‍को सामु चाहिँ मे़ःखे़ॽहोङ खोनुङ टुहा उनान्‍सये सामुजि मोबेॽनोॽ याःॽयानुङ मो मे़ःखे़ॽपॽआ इक्‍को सामु मे़न्‍चुप्टुरो योगुनेन्‍डे ?