Popular Bible Verses from लुका 11

Share

हे़निङ पापि ले़न्‍डानिङ्‌होङ्‌सो टाङ्‌बामि पसाजि नुबा खा पिलेन्‍डानुमहोङ छना थाङ्‌सिरिॽटु पेङ्‌घुबा हे़निङ्‌मि निवाहाङ पाबे़ॽ खोनुङ ङाःक्‍खुबाजि इन्‍डोक बेॽलो पबित्‍रा होङ्‌निवा पिये।”

“मोडोगे़ॽ के़ॽ हे़निङ लुनिम्‍ने़, ङाःगानुमहोङ पिये, योगानुमहोङ चुप्‍मिन्‍डानुमे, राम्‍डेम ढक्‍ढक रोःगानुमहोङ हे़निङ्‌मि लागि हेम्‍बोॽइये।

इन्‍ढोङ्‌होङ ङाःक्‍खुबाडे़ॽ चुप्‍मिन्‍डुए, योक्‍खुबाडे़ॽ योक्‍टोक्‍इन्‍डुएनुङ ढकढक रोःक्‍खुबामि लागि राम्‍डेम हेम्‍बोक्‍इये।

येसुडे़ॽ माहाजि लुसुजि, “हे़निङे़ॽ इडोॽ पारथना ले़टानुमे ‘हे निवाहाङ पाबा’ हे़ने़ए़ निङ पबित्‍रा लिरो, हे़ने़ए़ राज्‍य चान्‍डो लेङ्‌रो

कानिङे़ॽ कानिङ्‌मि सतुरजि आम्‍लाङ पिडिडोक्‍नोॽ कानिङ्‌मि पापमि आम्‍लाङ पिमायो। कानिङ जाँचबेॽ ए़सिॽमेॽमायो।”

सानिङ्‌डोक्‍नोॽ कानिङ पाप्‍मिये चामे खा पिमायो।

हे़ने़ए़ हिङामि उज्‍यालो चाहिँ हे़ने़हा मिक ले़ये। हे़ने़हा मिक नुरोॽ ए़ःॽहोङ चोप हिङासो उज्‍यालो लिये। तर मिकनोॽ मे़न्‍ठाहोङ चोप हिङानोॽ सेन्‍जुगुप लिये।

“कुप्‍पि उःप्‍नुङ असे़ॽसो पाथिडे़ॽ टे़गुजिनि। बोरु होङ्‌सिॽयु आप्‍खुबा याॽमिजिमि लागि उज्‍यालो लिरो लुनुङ चोबे़ॽ खाङ्‌डोक्‍ठाम अग्‍लोमा ठाउँबेॽ युङ्‌इन्‍डुजे।