Popular Bible Verses from युहन्‍ना 6

Share

येसुडे़ॽ माहाजि लुसुजि, “हिङ्‌मवामि चरेपा कानोॽ ले़ङे, काबेॽ आप्‍खुबाजि फेरि इन्‍डोक्‍पेॽसो सगे़ॽ सिसुजिनिनुङ काबेॽ बिस्‍वास ले़ःॽखुबाजि फेरि इन्‍डोक्‍पेॽसो वाइॽमे़ॽ सिसुजिनि।

हिङ्‌मवा पिघुबा चाहिँ निवाहाङ्‌मि होङ्‌निवानोॽ ले़ये। इगो योम्‍बोक याॽमिमि हिङ्‌मवाबाङ इमाङ्‌सो ले़ःॽहे़निबा। के़ॽ हे़निङ लुबॽआ खा चाहिँ होङ्‌निवानुङ हिङ्‌मवा ले़ये।

नासि लिघे़हा चामामि लागि ने़ॽनि, तर ए़ॽसिमे हिङ्‌मवाठोक रुक्‍मे चामामि लागि दुःख ले़टानिङे। मो चामा याॽमिमि पसाडे़ॽ हे़निङ पिये। इन्‍ढोङ्‌होङ निवाहाङ पाबाडे़ॽ खो मोमि लागिनोॽ पाङ्‌इटुए।”

इन्‍ढोङ्‌होङ के़ए़ पाबाडे़ॽ मिॽपॽआ चाहिँ इडोॽ ले़ये, पसा खाङ्‌खुबानुङ खोबेॽ बिस्‍वास ले़ःॽखुबाजि चोबे़ॽ ए़ॽसिमे हिङ्‌मवा चुप्‍टुजिरो, मोबा के़ॽ माहाजि मक्‍खाम्‍डेममि ए़क्‍साङ्‌ए याकपेॽ सिघे़ॽपॽआबाङ हिङ्‌बोइनुङ्‌हाजि।”

येसुडे़ॽ माहाजि लुसुजि, “निवाहाङ्‌डे़ॽ पाङ्‌बॽआसोक्‍पेॽ बिस्‍वास ले़टानुमे, निवाहाङ्‌डे़ॽ नेन्‍जाबॽआ योम्‍बोक इगोनोॽ ले़ये।”

काङ्‌मि पाबाडे़ॽ पिबॽआ चोप काबेॽ लेङ्‌इम्‍मेनुङ काबेॽ लेङ्‌घुबाजि इन्‍डोक्‍पेॽसो के़ॽ याःॽयासुङ्‌जिनि।

मोबा सिमोन पत्‍रुसडे़ॽ लुसु, “हे परभु, कानिङ असाबेॽ खे़ॽमे ? हे़नबेॽरेॽ ए़स्‍सिमे हिङ्‌मवा पिघु बचन टुये।

थाङ्‌सिरिबाङ लेम्‍बॽआ हिङ्‌रिक चरेपा कानोॽ ले़ङे। असे़ॽ इगो चरेपा चोन्‍डुए मो सानिङ हिङ्‌इये। मो चरेपा चाहिँ काङ्‌मि हिङानोॽ ले़ये। के़ए़ हिङा मक्‍खाम्‍डेमबेॽहा याॽमिजिडे़ॽ ए़ॽसिमे हिङ्‌मवा चुप्‍टुजिरो लुनुङ के़ॽ पिनुङे़।”

का पाङ्‌घुबा पाबाडे़ॽ याॽमिजि काबेॽ आप्‍मे निवा मे़म्‍पिसुजिहोङ असासो काबेॽ आप्‍हेमिने मोबा काबेॽ आप्‍खुबाजि चाहिँ के़ॽ ए़क्‍साङ्‌ए याकपेॽ हिङ्‌बोइनुङ्‌हाजि।

निवाहाङ्‌डे़ॽ पिये चरेपा लुबॽआ चाहिँ खोनोॽ ले़ये, असे़ॽ थाङ्‌सिरिबाङ मक्‍खाम्‍डेमबेॽ उङ्‌नुङ याॽमिजि ए़स्‍सिमे हिङ्‌मवा पिन्‍डुजे।”

का हिङ्‌मवा पिघु चरेपा ले़ङे।

मोबा येसुडे़ॽ ङाॽउम चरेपा हुकपेॽ याङ्‌मानुङ निवाहाङ ओहाक पिसु, मोबा चोङ्‌साजि हामेॽटुजि। मोडोक्‍नोॽ ङासो हामेॽटुजि। माहा याॽमिजिडे़ॽ उक्‍खारो चोसुजि। माहाजिडे़ॽ चासे़ॽनुङ ए़क्‍साङ येसुडे़ॽ टाङ्‌बामि चोङ्‌साजि लुसुजि, “एम्‍बॽआ हे़ॽवाया इःगानुमे, ए़डे़ॽवासो खेरो ए़राप्‍पेसानुमे।”

चोङ्‌साजि साङ्‌बॽआ नाउ ङाउम एच्‍चि किलोमिटरडोॽ ओ खे़ॽपेबॽआ ले़टा। मोडोक्‍पेॽ येसु योङासोक्‍पेॽ सराङे़ॽ राम्‍साङ नाउमि के़क्‍पेॽ आप्‍मे़ॽनिङ्‌सिबॽआ चोङ्‌साजिडे़ॽ खाङ्‌डोक्‍टुजि, मोबा खोजि सारोनोॽ किस्‍सिसामि। तर येसुडे़ॽ माहाजि लुसुजि, “काये, ए़क्‍किसिसानिङे!”