Popular Bible Verses from मरकुस 8

Share

केहकेकि जुने यापन प्रान बचावे खोजतइ उअ सदि जिवन गुमोतइ, बाकि जुने यापन प्रान मोर हसे सुसमाचारक तहिँया गुमोतइ, उअ सदि जिवन पउबिय।

जब एक जन मन्‍से जम्‍मे संसारके हाथ पारके फेनि यापन प्रानके नास पारबिय जउँ, वकर कथि फाइदा हतइ त?

वकरपाछा येसुजि यापन चेलवाह हसे वहवाँ भेलि मन्‍सावानिके बलाके यसके कहलसि, “हेरह, यगर कुनहुँ मोर चेला हखे खोजबह जउँ, उअ यपनहिँके इन्‍कार करिय हसे सबदिन यापन क्रुस बोकके मोर पाछा यइय।

मन्‍सावा यापन प्रानक सटहामा कथि देवे सकतइ? इअ धुचुड हसे पापि पुस्‍तामा जुने मोरसे हसे मोर वचनसे लजेतइ, मुइ मन्‍सेक पुतर यापन पिताक महिमामा पवितर स्‍वरगदुतवानिसाङे यवइकि वकरसे फेनि लजेबहिँ।”

तब येसुजि हुनुकाके पुछलसि, “बाकि तोहरा मुइ कुने हखहि कहके कहसह त?” तखनहिँ पतरुस जवाफ देते कहलिय, “यपनहुँ त परमेस्‍वरक पठावल मुक्‍ति देलाहर ख्रिस्‍ट हखहुँ।”