Popular Bible Verses from मरकुस 6

Share

तब येसुजि हुनुकाके कहलसि, “याबे हमरा सुनसान ठउरियामा जाके किहो समय बिसाउँ,” केहकेकि वहवाँ बहुत मन्‍सेसभ यवइ-जाइ रहलइ। येसुजि हसे प्रेरितवानिके खाएके फेनि फुरसद हइने रहलइ।

तब येसुजि हुनुकाके कहलसि, “एक जन अगमवक्‍ता वकर गाउँ-घरमा, यापन नातपात हसे परिवरवा बाहेक याको जम्‍मे ठउरियामा यादर पउसिय।”

जब येसुजि डोङवासे नाभके एगुडा जबड मन्‍सेक भिड देखलसि, हुनेक सोग लगलइ, केहकेकि हुनुका भेडहार बिनाक भेडा नहिँया रहलइ। तब येसुजि हुनुकाके बहुत बात सिखावे लगलसि।

वहवाँक मन्‍सावाह विस्‍वास हइने करलेसे, हुने कुनहुँ-कुनहुँ मनियइलि मन्‍सावानिक वपरा मतरे यापन हथवा धरके डउल बनोलसि हसे याको यचम्‍क काम करे हइने सकलसि। येसुजि हुनुकर अविस्‍वास देखके छक परलसि। वकरपाछा हुने गाउँ-गाउँमा जाके मन्‍सावानिके सिछा देलसि।

तब येसुजि पाँच गो रोटि हसे दु गो माछरि लेलसि तके स्‍वरगवरि हेरके परमेस्‍वरके धन्यवाद देलसि। वकरपाछा हुने रोटिया खाडा बनाके चेलवानिके बाँटे लगोलसि। वसनेकरते उअ दु गो मछरिया फेनि जम्‍मे जनके बाँट देलसि। तब हुनुका जम्‍मे जन यघाइलइ खेलइ, हसे उबरलि रोटिया तके मछरियाक खडवा बटियोइखुनि बारह ढकिया भेलइ।