Popular Bible Verses from Varoma 1

Share

Ngokuti andina nyowa ngo vhangeri; ngokuti riri simba ra Mwari ro ruponeso kwavari vese vanotenda, kutanga ku vaJudha, no ku vagiriki navo.

Ngokuti ndiro kunopangijihwa kururama kwa Mwari kubva kwo kugonda kuenda mukugonda; kudari ngo zvakatahwa: “Asi wakarurama unozopona ngo kugonda.”

Ngokuti zviro zvake zvisikavoneki, kubvira mukusikwa kwo nyika, zvinonasa kuvoneka, zvechizivikana kudari ngo zviro zvakasikwa, kunoti, simba rake ro mbhera narini, no Umwari hwake; kuti ngokudaro vayite vasina cho kutenda ndava.

Ngokuti, vechimuziva Mwari, avazivi kumukurisa kudari ngo zvayiva Mwari, zve, avazivi kumubonga, asi vakayita vasina shwiro mu mipinimijo yavo, no mwoyo yavo isina kungwara yakayita chidima.

Ngokuti vakatenganisa gwinyiso ra Mwari kuashira manyepo, vakadira no kushandira icho chakasikwa paugaro po Musiki, uwo unomuchena mbhera narini. Ameni!

Ngokuti ushungu hwa Mwari hunopangijihwa hwechibva mu denga kurwa nazvo zvese zvisikasisirani na Mwari, na ngo kusikarurami kwo vandhu, vanotsikirira gwinyiso ngo kusikarurama.

Ngo iyi ndava Mwari vakavaregera kuti vave no kuemura kunopsheruja. Ngokuti no vakaji vavo vakapinduja chibarihwe chavo kuyita icho chinopesana no chibarihwe chavo, ngokudaro vanarume navo vechiregera chibarihwe no vanakaji, vakapsha mukuemura kwavo umwe kuno umweni, vanarume vechiita no vanarume izvo zvisikasisiri, vechiashira mukati mwavo ukwo kuthuswa kunosisira kupauka kwavo. Nokudari ngo zvevasikazivi kutenda kuti vaana Mwari mukuziva kwavo, Mwari wakavaregera kuti vave no kupinimija kunonyangaja, kuti vayite izvo zviro zvisikasisiri.

Vechijiitisa kuti vari vakangwara, vakayita mapenji, vakatenganisa uthende hwa Mwari husikavori kuti vaashire muemo wo muezaniso wo mundhu unovora, no wo shiri, no wo zvinyama zvino mirenje mirongomuna, no wo zvinogwezva.