Popular Bible Verses from SAN MATEO 21

Share

Bix cykilcaj cxeꞌl cykanena te Dios, ka ma ke cycꞌuꞌja tiꞌj, ccyiikꞌela―tz̈i Jesús.

Bix aj ttzakꞌbeꞌn Jesús cyexin: —Jaxxix cxeꞌl nkbaꞌna cyey, ka ma ke cycꞌuꞌja tiꞌ Dios, bix ka min ma baj cycꞌuꞌja, yaaꞌn nuk oꞌcx jacꞌa bint tuꞌn ttzkij tken higuera cyuꞌna, pero oj t-xiꞌ cykbaꞌna tej witz lu tuꞌn tjaw kꞌukpaj tuꞌn t-xooꞌn tiib tuj mar, ctcuyate witz.

Bix cykilcaxsen xjal nejl twitzxin bix lepch tzinxsen nchi s̈-in: —¡Tcyꞌiwlanxit tchman David, jaj Kcawel! ¡Chjonte te Dios tiꞌj ja xjal lu o tzul smaꞌn tuꞌnxin te cawel! ¡Jawxit nimset tbi Kaaw Dios tuj cyaꞌj!―tz̈i ke xjal.

Bix e xiꞌ tkbaꞌnxin cyexin: —Tzin tkbaꞌn tyol Dios cyjulu: “Il tiꞌj tuꞌn tajben njaya te nablte nbiꞌya,” tz̈i Dios. Pero cyey, ma tzꞌoc cykꞌoꞌna te jun cyja alakꞌ―tz̈ixin.

“Kbanx cye xjal te Israel aj Sión cyjulu: ‘Cꞌulel Cycawela cyuyey. Maansxin, bix tjaxxin tibaj jun tal bur ikel iktz oj tulxin,’ tz̈i tbela,” tz̈i Dios te tyolel.

E xiꞌ tkbaꞌn Jesús cyexin: —Tisen el iiqꞌuet tcwal taaw txꞌotxꞌ, juꞌxsen qꞌuelel iiqꞌuet jxjal Scyꞌoꞌn tuꞌn Dios. ¿Bajxpa cyila tuj tyol Dios ti toc tuꞌn tiꞌj jlu? Tzin tkbaꞌn cyjulu: “Jxak el cyiiqꞌuen ke binchal jaaꞌ, cꞌoquel xak tej xak mas nintzaj te t-xeeꞌ jaaꞌ. Jatzen Dios cwel meltzꞌunte xak te tbanel xak. Juꞌ tzunj, axse qꞌuelela tuj kwitz,” tz̈i tyol Dios.

Cxeꞌl nkbaꞌna cyey, cuma ma tzꞌel cyiiqꞌuena Tcwal taaw txꞌotxꞌ, juꞌ tzunj, qꞌuelel kꞌiꞌn tcawbil Dios cyiꞌja, ejeeꞌy tnom te Israel, tuꞌntzen t-xiꞌ kꞌoꞌn te jun wik xjal cyaj txiꞌ cykꞌoꞌn te Dios cuma texin.